Өфө стоматологы Рәсәй ғалимдарынан тәүгеләрҙән булып абруйлы премия алды

ӨФӨ, 2015 йыл, 10 ноябрь. /«Башинформ» мәғлүмәт агентлығы, Эльмира Сабирова/. Башҡорт дәүләт медицина университетының стоматология факультеты деканы, яңаҡ-йөҙ хирургы, медицина фәндәре докторы, профессор, Рәсәй Тәбиғи фәндәр академияһы академигы Сергей Чуйкин илебеҙ ғалимдарынан тәүгеләрҙән булып Бөтә донъя фондының абруйлы гуманитар премияһын алды. Ул яңаҡ-йөҙ кәмселектәре булған балаларҙы дауалауға һәм ошо сирҙәрҙе иҫкәртеүгә ҙур өлөш индергән өсөн билдәләнде. Рәсәйҙең һәм Башҡортостандың атҡаҙанған табибы Сергей Чуйкин — 1150 ғилми эш, 45 монография авторы (бишәүһе сит илдә донъя күргән), уйлап сығарыуға 25 патенты бар. Уның етәкселегендә 20-нән ашыу диссертация яҡланған.

Премияны тапшырыу тантанаһы «Ирен-аңҡау кәмселектәре» халыҡ-ара фондының IX конгресы сиктәрендә Сеченов исемендәге Беренсе Мәскәү дәүләт университетында уҙҙы.

Тәжрибә алмашыу һәм халыҡ-ара мөнәсәбәттәрҙе яйға һалыу маҡсатында конгресҡа 50-нән ашыу илдән яңаҡ-йөҙ хирургияһы, ортодонтия, педиатрия һәм логопедия өлкәһе белгестәре килде. Сара барышында пленар һәм секция ултырыштары, оҫталыҡ кластары ойошторолдо.

Бөгөнгө көндә Башҡортостанда ирендәре кителгән һәм аңҡауҙары ярылған өс мең самаһы бала йәшәй. Әммә үҙ ваҡытында яһалған операция кескәй пациенттарға ярҙам итә ала. Яңы технологиялар балаларға ошо патологиянан арынырға мөмкинлек бирә.

#һаулыҡ һаҡлау #стоматология #премия

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.