Өфөлә «Ҡаршылыҡтарҙы емереп» III балалар ижады фестивале финалсыларын һайлайҙар

IMPORT Сервисный

ӨФӨ, 2015 йыл, 9 ноябрь. /«Башинформ» мәғлүмәт агентлығы, Гөлфиә Акулова/. Өфөлә «Ҡаршылыҡтарҙы емереп» III төбәк-ара балалар ижады фестивале финалсыларын һайлап алыу башланды. Фестивалде «Газпром трансгаз Өфө» компанияһы һәм «Культпросвет» коммуникация агентлығы менән берлектә республиканың Хеҙмәт һәм халыҡты социаль яҡлау министрлығы ойошторған. Конкурстың маҡсаты — һау һәм физик мөмкинлектәре сикләнгән балаларҙы бер ижади майҙанда берләштереү.

Быйылғы фестивалдең девизы: «Кешеләрҙең һәммәһе лә мөһим!», һөнәри йүнәлеш һәм һөнәр һайлау темаһына арналған. Номинациялар элеккесә: «Инструменталь ижад», «Вокаль ижад», «Хореография», «Үҙенсәлекле жанр». Ойоштороу комитеты Волга буйының биш төбәгенән 200-ҙән ашыу ғариза ҡабул иткән. Былтыр Волга буйы федераль округының өс төбәгенән 50 ғариза килгәйне.

«Былтыр ошо конкурста ҡатнашыуыбыҙ менән бик ҡәнәғәтбеҙ, — тип һөйләне һаңғырау балалар өсөн «Хыял» ижад студияһы етәксеһе (Башҡортостандың Баҡалы ауылы) Алевтина Елисеева. — Инвалид балаларҙың тамашасылар алдында, айырыуса шундай ҙур матур сәхнәлә сығыш яһау мөмкинлеге аҙ. Уларҙың тәьҫораттары бер йылға етте. Хәҙер сираттағы бәйгегә әҙерләнәбеҙ».

Еңеүселәр 15 ноябрҙә иғлан ителәсәк. Быйыл конкурсанттарҙы республиканың һуҡырҙар өсөн махсус китапханаһы директоры Айгөл Әминева, «Башҡортостандың мәҙәни мираҫы» республика йәштәр йәмәғәт ойошмаһы идараһы рәйесе Гөлнара Бәҙри, Башҡортостандың атҡаҙанған артисткаһы Альбина Нуриманова, һаулығы буйынса мөмкинлектәре сикләнгән балалар һәм үҫмерҙәр өсөн реабилитация үҙәге директоры урынбаҫары Ирина Фәтҡуллина, Өфөләге балалар сәнғәт мәктәбенең хор бүлеге мөдире Яна Янситова баһалай. Дистанцион жюри ағзалары — актриса Эвелина Бледанс һәм «Comedy Club» телетапшырыуы резиденты Сергей Кутергин.

3 декабрҙә Өфөнөң Конгрес-холында 10 финалсы ҡатнашлығында гала-концерт уҙа. Был көндә майҙансыҡта инвалид балалар яһаған әйберҙәр йәрминкәһе, һөнәрҙәр йәрминкәһе һәм төрлө ижади оҫталыҡ кластары ойошторола. Инеү ирекле, сара көндөҙгө сәғәт 1-ҙә башлана.

#«ҡаршылыҡтарҙы емереп» фестивале #инвалид балалар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.