Рөстәм Хәмитов: «Халҡыбыҙ һәр саҡ ауыр һынауҙарға бергәләп ҡаршы торған»

Башҡортостан Башлығының матбуғат хеҙмәте

IMPORT Сервисный

ӨФӨ, 2015 йыл, 5 ноябрь. /«Башинформ» мәғлүмәт агентлығы, Александр Смирнов/. 4 ноябрҙә Өфөләге Конгресс-холда Башҡортостан Башлығы Рөстәм Хәмитов Халыҡтар берҙәмлеге көнөнә арналған тантаналы йыйылышта сығыш яһаны.

– Был көн тарихыбыҙҙың данлы биттәрен, төрлө дин, милләт, ҡатлам кешеләренең Тыуған илдең азатлығы һәм бойондороҡһоҙлоғо, именлеге өсөн Ватаныбыҙҙы илбаҫарҙарҙан азат иткән осорҙо иҫкә төшөрә. Бынан бик күп йылдар элек башҡортттар һәм башҡа халыҡтар Мәскәүҙе ҡотҡарыуҙа ҡатнашҡан. Ата-бабаларыбыҙҙың илһөйәрлеге милләттәр һәм граждандар араһындағы татыулыҡты нығытыу, илде тотороҡло үҫтереү буйынса бөгөнгө эштәребеҙҙә дауам итә, – тине Рөстәм Хәмитов. – Халҡыбыҙ һәр саҡ ауыр һынауҙарға бергәләп ҡаршы торған. Берҙәмлек, яуаплылыҡ, илһөйәрлек. Тап ошо сифаттар ҡот осҡос һуғышта еңеп сығырға ярҙам иткән. Быйыл бөтә донъяла Бөйөк Еңеүҙең 70 йыллығы билдәләнде. Был шулай уҡ яңы тарихыбыҙҙа, Ҡырымды һәм Севастополде Рәсәйгә ҡайтарыуҙа ла сағылыш тапты.

Сарала ҡатнашыусылар һәм ҡунаҡтар Мысырҙа булған авиаһәләкәт ҡорбандарын бер минутлыҡ тынлыҡ менән иҫкә алды. Илебеҙ халҡы ҡайғы уртаҡлашырға, ярҙам итергә һәләтле булыуы менән айырылып тора, тип билдәләне республика Башлығы.

– Ватан тарихы фәһемле һабаҡ бирә. Ул милли мәнфәғәттәрҙе яҡлау ил хәүефһеҙлегенең, уның тотороҡлоғон нығытыуҙың төп шарты икәнлеген иҫкә төшөрә, – тип һыҙыҡ өҫтөнә алды Рөстәм Хәмитов. – Рәсәйҙең һәм уның төбәктәренең именлеге ҡатмарлы мәсьәләләрҙе бергәләп хәл итә белеүгә бәйле. Бөгөн республика иҡтисадты нығытыу буйынса бурыстарҙы хәл итә, финанс тотороҡлоғон һаҡлай, бөтә социаль йөкләмәләрҙе үтәй, халыҡ-ара хеҙмәттәшлекте киңәйтә, шуның менән бергә илдең динамикалы үҫешенә үҙ өлөшөн индерә.

Байрам сараһы ижади коллективтарҙың һәм башҡарыусыларҙың сығышы менән тамамланды.

1 из 8

#байрам #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.