Воскресенье, 7 Июня 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:36 (UTC+5), 03 Ноября 2015

Рөстәм Хәмитов республиканың суд приставтарын һөнәри байрамдары менән ҡотланы

Олег Яровиков

IMPORT Сервисный

ӨФӨ, 2015 йыл, 3 ноябрь. /«Башинформ» мәғлүмәт агентлығы, Александр Смирнов/. 2 ноябрҙә Өфөләге Конгресс-холда Башҡортостан Башлығы Рөстәм Хәмитов Федераль суд приставтары хеҙмәтенең Башҡортостан буйынса идаралығы коллективын һөнәри байрамдары һәм Рәсәйҙә суд приставтары институты ойошторолоуҙың 150 йыллығы менән ҡотланы.

– Суд приставтары һәр саҡ Ватанға намыҫлы хеҙмәт итте, граждандарҙың хоҡуҡтарын яҡланы. Илебеҙҙең яңы тарихында һеҙҙең структура үҙ аллы власть органы булараҡ ун йыл самаһы элек булдырылһа ла, алтынсы тапҡыр байрамын билдәләй. Ул, һис шикһеҙ, хоҡуҡ һаҡлау органдары системаһында айырым урын биләне, – тине Рөстәм Хәмитов. – Закондың көсө, хоҡуҡ тәртибе һәм иҡтисади именлек суд ҡарарҙарының ваҡытында үтәлеүенә бәйле. Был иһә йәмғиәттәге социаль мөхитте, халыҡтың дәүләткә ышанысын билдәләй.

Төбәк Башлығы бурыслы кешеләр, шулай уҡ хеҙмәт хаҡы буйынса бурыстары булған предприятиелар менән эштә суд приставтары институтының мөһим ролен билдәләне.

– Республика ҡаҙаныштарында һеҙҙең дә өлөшөгөҙ бар. Күләмле социаль программаларҙы финансһыҙ тормошҡа ашырып булмай. Һеҙ бөтә кимәлдәге бюджетты тулыландырыу, граждандарҙың һәм предприятиеларҙың мәнфәғәттәрен яҡлау кеүек мөһим бурыстарҙы уңышлы атҡараһығыҙ. Приставтарҙың һөҙөмтәле эшләүе арҡаһында быйыл бөтә кимәлдәге бюджеттарға – 2,3 миллиард һумдан ашыу, граждандар һәм ойошмалар файҙаһына иһә ике тапҡырға күберәк аҡса күсерелгән, – тип һыҙыҡ өҫтөнә алды Рөстәм Хәмитов. – Ҡайһы бер йүнәлештәр буйынса идара итеү тәжрибәһе башҡа территориаль органдар өсөн өлгө булып тора. Дөйөм алғанда, Федераль суд приставтары хеҙмәтенең Башҡортостан буйынса идаралығы башҡарылған эш күләме буйынса илдә иң яҡшы унау иҫәбендә. Ошондай һөҙөмтәләрегеҙ менән республикабыҙҙың абруйын нығытаһығыҙ.

Төбәк етәксеһе хеҙмәткә йөкмәтелгән бурыстарҙың уңышлы хәл ителеүен теләне һәм идаралыҡтың лайыҡлы хеҙмәткәрҙәренә Башҡортостандың дәүләт наградаларын тапшырҙы.

Сығыштың тулы стенограммаһы һәм бүләкләнеүселәр исемлеге республика Башлығының рәсми сайтында баҫылған.

1 из 10

#закон #приставтар #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.