Баш ҡалала Рәсәйҙә тәүге дизайнер кейемдәре хәйриә магазины асыла

социаль селтәр

IMPORT Сервисный

ӨФӨ, 2015 йыл, 14 октябрь. /«Башинформ» мәғлүмәт агентлығы, Гөлфиә Акулова/. Ноябрҙә Өфөлә «Мәрхәмәт» хәйриә фонды яңы күләмле проект башларға ниәтләй. Унда мода донъяһы һәм шәфҡәтлелек берләштереләсәк.

Һүҙ баш ҡала үҙәгендә асыласаҡ ике магазин хаҡында бара. Уларҙың береһендә билдәле Мәскәү һәм Өфө дизайнерҙары ғына түгел, илдәге һәм республикалағы һәләтле модельерҙар ҙа үҙҙәренең коллекцияһын һатыуға ҡуясаҡ. «Бурысыбыҙ — «Мәрхәмәт» фонды ҡарауындағыларға ярҙам итеү. Ҡиммәтле һәм сифатлы кейемдәрҙе һатыуҙан килгән аҡса хәйриә маҡсаттарына йүнәлтеләсәк», — тип һөйләне проекттың координаторы Регина Штягина.

Әле танылған дизайнерҙар Сергей Устюгов, Вячеслав Зайцев менән һөйләшеүҙәр алып барыла. Шулай уҡ проектта бик күп йәш дизайнерҙар ҡатнашырға теләк белдергән.

Икенсе майҙансыҡ киң аудиторияға тәғәйенләнгән. «Мәрхәмәт» фонды эргәһендә коворкинг-үҙәк эшләй. Унда сирле балаларҙың әсәләре белгестәр етәкселегендә ғәҙәти булмаған әйберҙәр яһай, ә был ваҡытта педагогтар һәм психологтар балалар менән шөғөлләнә. Ҡатын-ҡыҙҙар кейем тегә, аксессуарҙар, интерьер әйберҙәре эшләй. Бөтә килем фондҡа китә. Мәҫәлән, аукционда бер сумканы 100 мең һумға һатып алғандар. «Икенсе магазинда оҫталарыбыҙҙың ижад әйберҙәрен һатырға, шулай уҡ балалар йорто тәрбиәләнеүселәрен ижадҡа йәлеп итергә, улар өсөн оҫталыҡ дәрестәре үткәрергә ниәтләйбеҙ», — тип хәбәр итте Регина Штягина.

#хәйриә #«мәрхәмәт» фонды #дизайнерҙар кейеме

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.