Был аҙнала Өфө Рәсәй философтарының баш ҡалаһына әүереләсәк

Андрей Старостин

IMPORT Сервисный

ӨФӨ, 2015 йыл, 7 октябрь. /«Башинформ» мәғлүмәт агентлығы, Эльмира Сабирова/. Был аҙнала Өфө Рәсәй философтарының баш ҡалаһына әүереләсәк — 7 октябрҙән 10-на тиклем республиканың баш ҡалаһында «Философия. Толерантлыҡ. Глобалләштереү. Көнсығыш һәм Көнбайыш — донъяға ҡараштар диалогы» VII Рәсәй философтары конгресы уҙғарыла.

Башҡорт дәүләт университеты ректоры Николай Морозкин «Башинформ» агентлығында уҙған матбуғат конференцияһында һөйләүенсә, ошоға оҡшаш тәүге алты форум Мәскәүҙә, Санкт-Петербургта, Новосибирскиҙа, Дондағы Ростовта, Түбәнге Новгородта ойошторолған.

«Был Рәсәй конгресы булыуға ҡарамаҫтан, унда сит ил делегаттары ла ҡатнаша. Донъяның 16 иленән һәм Рәсәйҙең 71 төбәгенән 1517 философ теркәлгән. Өфөгә 600-гә яҡын кеше киләсәк», — тине Николай Морозкин.

Рәсәйҙең философтар йәмғиәте вице-президенты, философия фәндәре докторы Александр Чумаков һүҙҙәренсә, беренсе Бөтә донъя философтары конгресы 1900 йылда үткәрелгән. Бөгөн бындай саралар биш йылға бер тапҡыр ойошторола. Рәсәй делегацияһы уларҙа һәр саҡ әүҙем ҡатнаша. Советтар Союзында ла философия форумдарын уҙғарыу традицияһы булған. Рәсәйҙә ул 1997 йылда тергеҙелә.

«Беҙҙең бай философик мираҫыбыҙ бар, — тип билдәләне Александр Чумаков. — Философтар бөгөнгө көндөң төп проблемаларын билдәләү һәм уларҙы тикшереүгә сығарыу өсөн генә түгел, уға ҡарата мөнәсәбәт тәрбиәләү өсөн дә йыйыла. Бындай саралар беҙҙең өсөн бик кәрәк. Конгресты үткәреү хоҡуғын алыуға Владивосток, Санкт-Петербург дәғүә итте, әммә дөйөм йыйылышта етенсе конгресты уҙғарыу урыны итеп күпселек тауыш менән Өфө һайланды».

Философтар конгресы 7 октябрҙә Конгресс-холда пленар ултырыш менән асыла, секция ултырыштары төрлө майҙансыҡтарҙа үтә. Өфөнөң бөтә юғары уҡыу йорттары форумды үткәреүгә йәлеп ителгән.

Конгрестың программаһы менән сараның рәсми сайтында танышырға мөмкин.

1 из 6

#конгресс #философтар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.