Өфөлә фән фестиваленә килеүселәр кешенән һәм еләк-емештән ДНК алырға өйрәнәсәк

Андрей Старостин

IMPORT Сервисный

ӨФӨ, 2015 йыл, 25 сентябрь. /«Башинформ» мәғлүмәт агентлығы, Розалиә Вәлиева/. 25 сентябрҙән 27-нә тиклем Өфөлә фәнде һәм күңел асыуҙы, теорияны һәм практиканы, сәнғәтте һәм тәжрибәне берләштергән Бөтә Рәсәй фән фестивале уҙғарыла.

Фестиваль Өфөнөң 15 майҙанында, шулай уҡ республика ҡалаларындағы һигеҙ майҙансыҡта үтә.

Сара Башҡортостан Фәндәр академияһында роботтар алышынан башлана, һуңынан ҡатнашыусыларҙы Халыҡ-ара йыһан станцияһынан сәләмләйәсәктәр. Фәндәр академияһы алдындағы майҙанда Coronado телескобы ярҙамында Ҡояштың хромосфераһы күрһәтеләсәк.

25, 26 һәм 27 сентябрҙә Фәндәр академияһында төрлө темаларға лекциялар ойошторола. Бөтә саралар ҙа киске сәғәт 7-гә тиклем дауам итә. «Башҡортостан» дәүләт концерт залында «Йыһанда Михаил Корниенко менән эксперимент» фильмы, космонавт И.П.Волк менән осрашыу, «Мейе лабораторияһы», «Эволюция хаҡында иҫке һәм яңы мифтар» лекциялары буласаҡ.

Рәсәй Фәндәр академияһы Өфө ғилми үҙәгенең Ботаника баҡсаһында фестивалдә ҡатнашыусылар өсөн экскурсия ойошторола.

Өфө планетарийы «Йыһан сәйәхәте», «Балалар өсөн астрономия», «Ҡояш системаһының ете мөғжизәһе», «Астрономия ни өсөн кәрәк» программаларын тәҡдим итә.

Фән фестивале саралары Өфөнөң төп юғары уҡыу йорттарында ла үткәрелә.

Рәсәй Фәндәр академияһы Өфө ғилми үҙәгенең Биохимия һәм генетика институтында ҡатнашыусылар реаль ваҡыт режимында кешенән һәм еләк-емештән ДНК алырға өйрәнәсәк, бәшмәктәр һәм үҫемлектәр күргәҙмәһе күрһәтеләсәк, иммунитет хаҡында һөйләнәсәк.

Фестиваль тураһында тулыраҡ мәғлүмәт уның рәсми сайтында бирелгән.

Быйыл Өфө Волга буйы федераль округында үҙәк төбәк майҙансыҡ итеп һайланған. Фестивалгә 30 мең самаһы кеше килер тип күҙаллана.

#фән фестивале

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.