Өфөнән математика уҡытыусыһы Ҡазанға бөтә Рәсәй педагогик оҫталыҡ конкурсына юллана

Андрей Старостин

ӨФӨ, 2015 йыл, 23 сентябрь. /«Башинформ» мәғлүмәт агентлығы, Эльмира Сабирова/. Өфөләге 58-се лицейҙың математика уҡытыусыһы Рима Ронжина «Йыл уҡытыусыһы-2015» бөтә Рәсәй конкурсының финалында ҡатнаша. Быйыл ул 24 сентябрҙән 3 октябргә тиклем Ҡазанда уҙа. Иҫегеҙгә төшөрәбеҙ, йола буйынса бәйге бынан алдағы еңеүсенең тыуған төйәгендә үткәрелә. Былтыр ошо мәртәбәле исемгә Татарстан уҡытыусыһы лайыҡ булды.

Рима Ронжина — ҡала һәм республика педагогик оҫталыҡ конкурстары еңеүсеһе. Уның педагогик стажы — 21 йыл.

Ҡазанда үтәсәк бәйге хаҡында һөйләгәндә Рима Ронжина һәр кем еңеүгә өмөт итә тип билдәләне.

«Рәсәйҙең йыл уҡытыусыһы» — абруйлы һөнәри оҫталыҡ конкурсы. Һис шикһеҙ, мин уға әҙерләндем, шуға күрә барыһы ла яҡшы булыр тигән ышаныс бар», — тине Рима Ронжина.

Финалдың I һәм II турҙары Ҡазандың 177-се урта мәктәбендә уҙа. Конкурсанттар асыҡ дәрес үткәрәсәк. Атап әйткәндә, 26 сентябрҙә геометрия дәресендә Рима Ронжина һигеҙенсе класс уҡыусылары менән осраша. Шулай уҡ уҡытыусылар үҙҙәренең мәғариф проектын күрһәтәсәк, педагогик советта ҡатнашасаҡ һәм уҡытыусы-оҫта исеме өсөн көс һынашасаҡ.

Тәүге этап йомғаҡтары буйынса 77 конкурсант араһынан иң яҡшы 15 уҡытыусы һайлап алына.

4 октябрҙә Рәсәйҙең мәғариф һәм фән министры Дмитрий Ливанов ҡатнашлығында «мәғариф сәйәсмәндәренең түңәрәк өҫтәле» уҙғарыла. Унда «Йыл уҡытыусыһы-2015» исеменә дәғүә итеүсе Рәсәйҙең иң яҡшы биш уҡытыусыһы ғына ҡатнаша. Конкурс 5 октябрҙә, Уҡытыусылар көнөндә, Мәскәүҙең Дәүләт Кремль һарайында тамамлана. Абсолют еңеүсенең исеме шул көндө билдәле буласаҡ.

#мәғариф #конкурстар #«йыл уҡытыусыһы-2015»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.