Рөстәм Хәмитов сәнәғәт продукцияһының законһыҙ әйләнешенә ҡаршы комиссияның тәүге ултырышын үткәрҙе

Олег Яровиков

IMPORT Сервисный

ӨФӨ, 2015 йыл, 18 сентябрь. /«Башинформ» мәғлүмәт агентлығы, Илья Спиридонов/. 18 сентябрҙә Республика йортонда Башҡортостан Башлығы Рөстәм Хәмитов төбәктә сәнәғәт продукцияһының законһыҙ әйләнешенә ҡаршы комиссияның тәүге ултырышын үткәрҙе.

Комиссия составына Хөкүмәт ағзалары, легаль булмаған тауарҙар етештереү һәм уларҙы индереүгә ҡаршы көрәштә тәжрибә туплаған федераль власть органдарының территориаль органдары етәкселәре инде. Комиссияға хәлде мониторинглау һәм баһалау, шулай уҡ ошо йүнәлештәге эште координациялау бурыстары йөкмәтелгән.

– Эксперттарҙың баһалауынса, хәҙер Рәсәйҙәге ҡулланыусылар баҙарының 30-40 процентын легаль булмаған продукция тәшкил итә. Был, нигеҙҙә, кейем-һалым, аяҡ кейеме, балалар уйынсыҡтары, алкоголь, дарыуҙар, туҡланыу продукттары. Рәсәйҙең Туҡыу һәм еңел сәнәғәт эшҡыуарҙары союзы мәғлүмәттәре буйынса, илгә законһыҙ етештерелгән һәм индерелгән продукция күләме 1 триллион һумдан ашып китә. Һөҙөмтәлә йыл һайын Рәсәй бюджеты яҡынса 200 миллиард һум һалым һәм таможня түләүҙәрен юғалта, – тип хәбәр итте Рөстәм Хәмитов.

Республика Башлығы Рәсәйҙең Сәнәғәт һәм сауҙа министрлығы мәғлүмәттәрен килтерҙе. Уларға ярашлы, автомобилдәр һәм ауыл хужалығы машиналарын эшләүҙә икенсел баҙарҙағы комплектлаусыларҙың өстән бер өлөшө – контрафакт.

Уның һүҙҙәренсә, контрафактлы продукцияның әйләнеше арҡаһында еңел һәм сәнәғәттең башҡа тармаҡтары, шул иҫәптән аҙыҡ-түлек предприятиелары ҙур юғалтыу кисерә.

Контрафактҡа ҡаршы көрәштә етди эш алып барыу, хоҡуҡ һаҡлау органдарының, республика власының, урындағы үҙидара органдарының, киң мәғлүмәт сараларының, йәмәғәтселектең көсөн берләштереү зарур, тип билдәләне Башҡортостан Башлығы.

– Илебеҙ етештереүселәренә ярҙам итеү, эске баҙарҙы легаль булмаған тауарҙарҙан һаҡлау һәм үҙебеҙҙең продукцияны һатыу өсөн комплекслы эш талап ителә. Һөҙөмтәлә – республикала йәшәүселәрҙең хәүефһеҙлеген, лайыҡлы йәшәү шарттарын тәьмин итеү, – тине Рөстәм Хәмитов.

Артабан Башҡортостанда сәнәғәт продукцияһының законһыҙ әйләнешенә ҡаршы комиссия ултырыштары даими үткәреләсәк.

#сәнәғәт #контрафактлы продукция #бр башлығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.