Баш ҡаланың Салауат Юлаев майҙанында уҙғарылған «Әҙәбиәт. Асыҡ дәрес» акцияһына 500-гә яҡын уҡыусы йыйылды

IMPORT Сервисный

ӨФӨ, 2015 йыл, 15 сентябрь. /«Башинформ» мәғлүмәт агентлығы, Эльмира Сабирова/. Өфөнөң Салауат Юлаев майҙанында уҙғарылған «Әҙәбиәт. Асыҡ дәрес» акцияһына 500-гә яҡын уҡыусы йыйылды. Саф һауала әҙәбиәттән асыҡ дәресте «Тамыр» балалар телеканалы ойошторҙо. Уҡытыусылар сифатында үҙҙәренең тормошон әҙәбиәтһеҙ күҙ алдына килтермәгән билдәле кешеләр саҡырылды. Улар араһында — яҙыусы, тәнҡитсе, журналист Игорь Савельев, М.Аҡмулла исемендәге БДПУ доценты, яҙыусы Зәки Әлибаев, шағирә Марианна Плотникова, 35-се урта дөйөм белем биреү мәктәбенең рус теле һәм әҙәбиәте уҡытыусыһы Елена Жерякова.

Игорь Савельев әйтеүенсә, мәктәп йылдарында уға әҙәбиәт дәрестәре оҡшамай. Ул күберәк заманса авторҙар менән ҡыҙыҡһына, дәрестә иһә классик әҫәрҙәр уҡыйҙар. Өлкән кластарҙа ғына унда әҙәбиәткә ҡыҙыҡһыныу уяна һәм ул филология факультетына инергә ҡарар итә.

Педагогия университеты доценты Зәки Әлибаев ғәҙәти булмаған дәрес идеяһын хупланы, артабан да шундай саралар ойошторорға кәңәш итте.

«Беҙҙең акция — Әҙәбиәт йылында яңы уҡыу йылының яҡшы башланыуы тип иҫәпләйбеҙ, — тип билдәләне «Тамыр» телеканалы директоры Гөлназ Ҡолһарина. — Дәрес уңышлы уҙҙы. «Тамыр» уҡыусылар менән бергәләп күңелле билдәләр эшләне. Әүҙем уҡыусылар асыҡ дәрестән күкрәктәренә Толстойҙың, Чеховтың, Бабичтың, Маяковскийҙың, Булгаковтың һүрәттәре төшөрөлгән билдәләр тағып ҡайтып китте. Һәр уҡыусы бүләккә яңы китап алды. Асыҡ дәрестең шарттары буйынса, уҡыусылар китаптар менән алмашты.

Сара тураһында репортаж Башҡортостан юлдаш телеканалында 27 сентябрҙә иртәнге сәғәт 10-да эфирға сыға.

1 из 10

#акция #«тамыр» телеканалы #әҙәбиәт йылы #уҡыусылар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.