Башҡортостан юлдаш телеканалындағы «Орнамент» тапшырыуы «СМИротворец-Волга буйы» конкурсы наградаһына лайыҡ булды

IMPORT Сервисный

ӨФӨ, 2015 йыл, 14 сентябрь. /«Башинформ» мәғлүмәт агентлығы, Сергей Захаров/. Башҡортостан юлдаш телеканалындағы «Орнамент» тапшырыуының биш сығарылышы журналистарҙың «СМИротворец» милләт-ара һәм этноконфессия мөнәсәбәттәре мәсьәләләрен иң яҡшы яҡтыртыуға Бөтә Рәсәй конкурсының округ этабы еңеүселәре иҫәбенә инде. Мари халҡының кейеме, башҡорттарҙың һарыҡ йөнө ҡырҡыу, мордваларҙың Святки байрамы, мариҙарҙың яусылау һәм кесерткәндән еп эшләү йолалары тураһында тапшырыуҙар «СМИротворец-Волга буйы» конкурсында икенсе урын алды. «Орнамент»тың ижади төркөмө — журналистар Ирина Миңлеғәлиева, Сәрүәр Сурина, Элина Маврина, мөхәррирҙәр, операторҙар, режиссерҙар һәм монтажерҙар.

Бүләкләү тантанаһы Нижегородка йәрминкәһендә булды, унда IV Халыҡ-ара бизнес-саммиты һәм «Рәсәйҙең киләсәге» Бөтә Рәсәй форумы сиктәрендә Рәсәй халыҡтары конгресы уҙҙы.

Был тапшырыуҙың тәүге еңеүе генә түгел. Былтыр ошо уҡ конкурста Белорет районының боронғо Ҡағы ауылы хаҡында сығарылыш «Рус донъяһы» номинацияһында өсөнсө урын яуланы. Быйыл июндә «Орнамент» Халыҡ ижады һәм этнография буйынса Бөтә Рәсәй видеофильмдар фестивалендә «Иң яҡшы телепрограмма» номинацияһында еңеп сыҡты.

«Тапшырыуҙың уңыш сере ябай — беҙ күп милләтле Башҡортостанда йәшәүсе халыҡтарҙың ғөрөф-ғәҙәттәре һәм мәҙәниәте тураһында бәйән итәбеҙ. Хәбәрселәребеҙ алыҫ ауылдарға барыуҙан ҡурҡмай. Тап унда милли традицияларға һаҡсыл ҡарайҙар һәм үҙҙәренең белемен йәш быуынға тапшыралар», — тиҙәр программаның авторҙары Сәрүәр Сурина һәм Ирина Миңлеғәлиева.

Белешмә. «СМИротворец» конкурсы Этник-ара журналистика гильдияһы башланғысы буйынса 2008 йылдан уҙғарыла. Бәйгелә федераль, төбәк, шулай уҡ милли-мәҙәни киң мәғлүмәт саралары журналистары ҡатнаша.

1 из 6

#милли сәйәсәт #башҡортостан юлдаш телеканалы #телевидение

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.