Төбәктә умартасылар «Бал ҡорто туйы»на йыйылды

Андрей Старостин

IMPORT Сервисный

ӨФӨ, 2015 йыл, 4 сентябрь. /«Башинформ» мәғлүмәт агентлығы, Розалиә Вәлиева/. Башҡортостанда умартасылар «Бал ҡорто туйы»на йыйылды. Умартасылар байрамы Бәләбәй районының Мәтәүбаш ауылында ойошторолдо.

Өсөнсөгә уҙғарылған «Бал ҡорто туйы»нда Башҡортостан, Татарстан, Сыуашстан, Пермь, Силәбе, Ырымбур өлкәләре, Мәскәү, Алтай крайы һәм Үзбәкстандың Фирғәнә өлкәһе умартасылары ҡатнашты. Бынан тыш, «Бал ҡорто туйы»на Алтай крайынан Милли умартасылар һәм умартасылыҡ продукцияһын эшкәртеүселәр ассоциацияһы рәйесе Сергей Тастан, Фирғәнә өлкәһенең Умартасылар союзы рәйесе, фән кандидаты Шерали Суяркулов, Биохимия һәм генетика институты хеҙмәткәрҙәре Алексей Николенко, Елена Салтыкова һәм Луиза Ғәйфуллина килгәйне.

Байрамда бал конкурсы булды. «Ҡара төҫтәге бал» номинацияһында беренсе урынды Архангел районынан Хәйҙәр Багдалов яуланы. Икенсе урында — Иглин районынан Дмитрий Назаров, өсөнсөлә — Силәбе өлкәһенән Юрий Попов.

«Асыҡ төҫтәге бал» номинацияһында беренсе урынға Шишмә районы умартасыһы Иван Вавилов лайыҡ булды. Икенсе һәм өсөнсө урындарҙы Ырымбур өлкәһенән Вадим Хөснөтдинов менән Туймазы районынан Камил Кашапов бүлеште.

Ойоштороусылар хәбәр итеүенсә, быйыл байрамда тәүге тапҡыр баллы эсемлектәр, балалар ижады һәм «Баҡса фестивале» конкурстары үткәрелгән. Туймазы районынан ун йәшлек Тимур Ғәлимуллин балалар ижады бәйгеһендә беренсе урын яулаған. Ул ҡайын туҙынан бәләкәй төтәткес эшләгән. Уны аукционда 600 һумға һатып алдылар, аҡса иһә Тимурҙың ата-әсәһенә тапшырылды.

Бөтә призерҙарға ла дипломдар, миҙалдар һәм ҡиммәтле бүләктәр бирелде.

Сауҙа рәттәрендә бал һәм башҡа умартасылыҡ продукттарын, «Бал ҡорто туйы-2015» сувенир продукцияһын, умартасылыҡ инвентарын, шулай уҡ бал ҡорттары өсөн «Хитомил» тәбиғи препаратын һатып алырға мөмкин ине.

#башҡортостан умартасылары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.