Четверг, 9 Июля 2026

Уфа

+21 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

11:44 (UTC+5), 31 Августа 2015

Лилиә Ғүмәрова: «Өфөләге «Йылмайыу-2015» операцияһы бер ниндәй санкциялар ҙа Рәсәйҙең сит илдәр менән бәйләнештәрен юҡҡа сығара алмауын иҫбатланы»

Андрей Старостин

IMPORT Сервисный

ӨФӨ, 2015 йыл, 31 август. /«Башинформ» мәғлүмәт агентлығы, Эльмира Сабирова/. Өфөлә «Йылмайыу» операцияһы» хәйриә проекты сиктәрендә медицина акцияһы икенсе йыл рәттән ойошторола. Республика балалар клиник дауаханаһында хирургтар ирендәре кителгән һәм аңҡауҙары ярылған балаларға операция яһай. Бәләкәй пациенттарға ярҙам итеү маҡсатында баш ҡалаға Америка, Канада, Филиппин, Минск һәм Красноярск табиптары килде. Улар Республика балалар клиник дауаханаһындағы хеҙмәттәштәре менән бергә Башҡортостандан ғына түгел, күрше төбәктәрҙән 45-кә яҡын балаға операция эшләйәсәк.

Республика балалар клиник дауаханаһының баш табибы Рөстәм Әхмәтшин һүҙҙәренсә, алдан дауахананың яңаҡ-йөҙ хирургияһы бүлеге мөдире Наил Дәүләтшин үҙенең командаһы менән операция яһаласаҡ балаларҙы һайлап алған. Йөҙгә яҡын бала тикшереү үткән. Көн элгәре халыҡ-ара команда йәнә 60 самаһы пациентты тикшерҙе, бер аҙна эсендә — шуларҙың 45-нә, 12-нә ҡабаттан операция яһаласаҡ.

«Табиптар бер үк ваҡытта ике операция өҫтәлендә эшләй. Көн һайын белгестәр 10 балаға операция яһарға ниәтләй, — тип хәбәр итте Башҡортостан Һаулыҡ һаҡлау министры урынбаҫары Эльза Сыртланова. — Былтыр акция барышында 120 балаға консультация бирелгән, шуларҙың 58 операция үткәргән. Бөгөнгө көндә шундай 2000 самаһы бала диспансер иҫәптә тора. Йыл һайын Республика балалар клиник дауаханаһы табиптары 120-гә яҡын ошоға оҡшаш операция яһай. Операциялар бушлай уҙғарыла».

Республика балалар клиник дауаханаһында бындай операцияларҙы 1983 йылда эшләй башлайҙар. 1990 йылда яңаҡ-йөҙ хирургияһы бүлеге асыла, әммә ул ваҡытта был операцияны биш йыл самаһы көтөргә кәрәк була. Хәҙер иһә сират юҡ.

Быйыл халыҡ-ара кимәлдә республика ғилми-ғәмәли конференция ойоштороласаҡ, тип өҫтәне министр урынбаҫары.

Федерация Советының Фән, мәғариф һәм мәҙәниәт комитеты рәйесенең беренсе урынбаҫары, ошо акцияның ойоштороу комитеты рәйесе Лилиә Ғүмәрова «Йылмайыу» операцияһы» шәфҡәтлелек ойошмаһына, проектта ҡатнашҡан бөтә табиптарға, бағыусыларға рәхмәт белдерҙе.

«Өфөләге «Йылмайыу-2015» операцияһы бер ниндәй санкциялар ҙа Рәсәйҙең сит илдәр менән гуманитар бәйләнештәрен юҡҡа сығара алмауын иҫбатланы», — тине Лилиә Ғүмәрова.

1 сентябрҙә Башҡорт дәүләт филармонияһында акцияла ҡатнашыусылар өсөн хәйриә концерты ҡаралған. 4 сентябрҙә Салауат Юлаев майҙанында флешмоб үтә, ул киске сәғәт 6-ла башлана.

Хәйриә проектының бағыусыһы — «ЗЕНИТ» банкы төркөмө.

1 из 18

#һаулыҡ һаҡлау #йылмайыу операцияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.