Төбәктә социаль проекттар «Реаль эштәр»гә әүерелә

ӨФӨ, 2015 йыл, 4 август. /«Башинформ» мәғлүмәт агентлығы, Әлим Фәйезов/. Башҡортостан ҡала һәм райондарында «берҙәм рәсәйҙәр»ҙең «Реаль эштәр» партия социаль проектын әүҙем тормошҡа ашыралар. Туймазы районында ошо проект сиктәрендә мәҙәниәт учреждениеларына ярҙам итеү һәм уларҙы үҫтереүгә миллион һумдан ашыу аҡса бүленгән. Был аҡса Түбәнге Троицкий ауылындағы мәҙәниәт һарайының ҡыйығын һәм биналарын, Туҡай ауылы мәҙәниәт һарайының ҡыйығын, Үрге Троицкий һәм Ҡарат ауылдарындағы мәҙәниәт һарайҙарының ишектәрен ремонтлау өсөн тотоноласаҡ.