Суббота, 2 Мая 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

12:37 (UTC+5), 27 Июля 2015

Башҡортостанда беренсе Хәрби-Диңгеҙ музейы асылды

IMPORT Сервисный

ӨФӨ, 2015 йыл, 27 июль. /«Башинформ» мәғлүмәт агентлығы, Арина Рәхимҡолова/. Өфөлә республикалағы тәүге Хәрби-Диңгеҙ музейын асыу тантанаһы булды. Моряктарға һөнәри байрамдары айҡанлы шундай бүләк яһалды. Учреждение Өфө йылға училищеһында асылды.

«Истоки» гәзите хеҙмәткәре Василий Коровкин хәбәр итеүенсә, тарихи ваҡиғаға Бөйөк Ватан һуғышы ветерандары, Хәрби-Диңгеҙ флоты ветерандары, училище уҡытыусылары, Башҡортостандың Диңгеҙселәр йыйылышы һәм киң мәғлүмәт саралары вәкилдәре саҡырылғайны.

Байрам ҡунаҡтары алдында Башҡортостан Диңгеҙселәр йыйылышының матбуғат хеҙмәте етәксеһе Ринат Иҡсанов сығыш яһаны. Ул хәрби-патриотик һәм рухи-әхлаҡи тәрбиә биреү ойошма эшмәкәрлегенең төп йүнәлештәренең береһе булып тороуын билдәләне.

«Эшебеҙ ҡаһарманлыҡ дәрестәре, армия һәм флоттың данлы биттәрен пропагандалауға ҡоролған. Беҙ тематик кисәләр, ҡаһарманлыҡ дәрестәре үткәрәбеҙ. Ошондай музей ойоштороу идеяһы менән күптән яна инек, Рәсәйҙең 1812 йылғы Ватан һуғышында еңеүенә 200 йыл тулыу уңайынан ветерандар менән осрашҡандан һуң теләгебеҙҙе тормошҡа ашырырға булдыҡ. Ул ваҡытта республикала юғары хәрби дәрәжәгә эйә булған яҡташтарыбыҙ, адмиралдар һәм генералдар йыйылғайны. Бөгөн улар 33 кеше», — тине Ринат Иҡсанов.

Был Хәрби-Диңгеҙ флоты музейының тәүге сиратын асыу ғына, тип һыҙыҡ өҫтөнә алды училище етәксеһе Николай Бричкин.

Музейҙа Рәсәй флоты тарихына, рус моряктарының данлы еңеүҙәренә, флотҡа нигеҙ һалыусы Петр Беренсегә, Ушаков, Нахимов, Крузенштерн, Кузнецов, Горшков, Макаров кеүек билдәле адмиралдарға арналған стендтар урын алған. Музейҙың тәүге ҡомартҡыларын, шулай уҡ һыу аҫты көстәренә, кораблдәргә, диңгеҙ авиацияһына бағышланған стендтарҙы күрергә мөмкин.

Тантанала ҡатнашыусылар Диңгеҙселәр йыйылышы вәкилдәренә һәм училище етәкселегенә изге башланғыстары өсөн рәхмәт белдерҙе, музейҙың яңы экспонаттар һәм тарихи материалдар менән тулыланыуын теләне.

1 из 14

#музейҙар #хәрби-патриотик тәрбиә биреү #ҡораллы көстәр һәм йәмғиәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.