Башҡортостанда юғары уҡыу йорттарына ғаризалар ҡабул итеү тамамлана

Андрей Старостин

IMPORT Сервисный

ӨФӨ, 2015 йыл, 22 июль. /«Башинформ» мәғлүмәт агентлығы, Эльмира Сабирова/. 24 июлдә Башҡортостанда бакалавриат йүнәлеше һәм һөнәрҙәр буйынса көндөҙгө һәм ситтән тороп уҡыу бүлектәренә уҡырға инергә теләгән абитуриенттарҙан ғаризалар ҡабул итеү тамамлана.

Ҡабул итеү ике этапта уҙғарыла. Тәүгеһендә вуздар бюджет урындарының 80 процентына, икенсеһендә ҡалған 20-нә абитуриенттарҙы ҡабул итергә тейеш.

«27 июлдә юғары уҡыу йорттарының рәсми сайттарында һәм уларҙың мәғлүмәт стендтарында уҡырға инеүселәрҙең рейтингы урынлаштырыласаҡ. 3 август — беренсе этапта бюджет урындарына алынырға теләүселәр исемлегендә булған абитуриенттарҙан документтарҙың төп нөсхәһен ҡабул итеүҙең һуңғы көнө. 4 августа ҡабул итеү тураһында бойороҡ буласаҡ. Икенсе этапҡа килгәндә, төп нөсхәләрҙе тапшырыу 6 августа тамамлана, ә 7-дә юғары уҡыу йорттарының ҡабул итеү тураһында бойороғо баҫыласаҡ», — тип аңлатма бирҙе М.Аҡмулла исемендәге Башҡорт дәүләт педагогия университетының ҡабул итеү комиссияһының яуаплы секретары Фиданис Тимерханов.

Яңы уҡыу йылында республикала дәүләт юғары уҡыу йорттарының һәм уларҙың филиалдарының бюджет урындарына 10780 абитуриент уҡырға инә аласаҡ.

Уҡыуҙы тамамлаусы бер юлы биш вузға документтарын тапшыра ала, уларҙың һәр береһендә өс һөнәрҙе һайларға була, бөтәһе 15 вариант.

Быйыл бер яңылыҡ бар. Абитуриенттарҙың шәхси ҡаҙаныштары уҡырға ингәндә балдарын арттырырға ярҙам итәсәк. Уҡырға инеүселәр үҙҙәренең портфолиоһын күрһәтергә тейеш. Дөйөм суммала был абитуриентҡа яҡынса ун балл өҫтәйәсәк. Йомғаҡлау иншаһы өсөн дә өҫтәмә балдар алырға мөмкин.

#ҡабул итеү кампанияһы #юғары уҡыу йорттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.