Четверг, 7 Мая 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

13:46 (UTC+5), 16 Июля 2015

Рөстәм Хәмитов: «Өфө моторҙар эшләү берекмәһе илебеҙҙә двигателдәр эшләү тармағының флагманы булып тора»

Андрей Старостин

IMPORT Сервисный

ӨФӨ, 2015 йыл, 16 июль. /«Башинформ» мәғлүмәт агентлығы, Илья Спиридонов/. 16 июлдә Өфөлә Башҡортостан Башлығы Рөстәм Хәмитов «Өфө моторҙар эшләү берекмәһе» асыҡ акционерҙар йәмғиәте коллективын предприятие ойошторолоуҙың 90 йыллығы менән ҡотланы. Мотор эшләүселәрҙең мәҙәниәт һарайында Өфө моторҙар эшләү берекмәһенең юбилейына арналған тантаналы йыйылыш булды.

– Өфө моторҙар эшләү берекмәһе республика иҡтисады өсөн терәк предприятиеларҙың береһе, Рәсәйҙән ситтә лә билдәле булған сәнәғәт бренды, двигателдәр эшләү тармағының флагманы булып тора, – тине Рөстәм Хәмитов. – Бөгөнгө байрам минең өсөн бик ҡәҙерле. Өфө моторҙар эшләү берекмәһе – хеҙмәт кенәгәмдәге тәүге яҙыу. Ҡырҡ йыл самаһы элек мастер ярҙамсыһы, һуңынан алтынсы цехта мастер булып эшләнем. Ул йылдарҙы әле лә иҫкә алам. Шул ваҡытта минең менән бергә эшләгән, ярҙам иткән кешеләргә рәхмәтлемен. Эште сифатлы, намыҫлы башҡарыу Өфө мотор эшләүселәре өсөн иң мөһиме ине. Артабан да мин ошо принципҡа таянырға тырыштым.

Республика Башлығы Өфө моторҙар эшләү берекмәһенә баш ҡалала үткән ШОС һәм БРИКС саммиттарына әҙерләнеүҙә ҡатнашҡаны өсөн рәхмәт әйтте. Матбуғат үҙәгендә ҡуйылған АЛ-31ФП двигателенең макеты бөтә ҡунаҡтарҙың иғтибарын үҙенә йәлеп итте, тип билдәләне ул.

Рөстәм Хәмитов берекмәнең республиканың сәнәғәт ҡеүәтен үҫтереүгә ҙур өлөш индереүен билдәләне, предприятиеның үҫеш мөмкинлектәре хаҡында һөйләне һәм етештереү алдынғыларына Башҡортостандың дәүләт наградаларын тапшырҙы.

Иҫегеҙгә төшөрәбеҙ, 1925 йылдың 17 июлендә нигеҙ һалынған «Өфө моторҙар эшләү берекмәһе» асыҡ акционерҙар йәмғиәте – Рәсәйҙә авиация двигателдәрен етештереүсе иң ҙур берекмә. Предприятиела 20 меңдән ашыу кеше эшләй.

Сығыштың тулы стенограммаһы һәм бүләкләнеүселәрҙең исемлеге республика Башлығының рәсми сайтында баҫылған.

1 из 12

#етештереү #бр башлығы #өфө моторҙар эшләү берекмәһе #юбилейҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.