Рөстәм Хәмитов Омскиҙа һәләк булған Башҡортостан һалдаттарының туғандарына ҡайғы уртаҡлашыу белдерҙе

Олег Яровиков

ӨФӨ, 2015 йыл, 14 июль. /«Башинформ» мәғлүмәт агентлығы, Әлим Фәйезов/. Республика Башлығы Рөстәм Хәмитов Омскиҙа казарма емерелеү һөҙөмтәһендә һәләк булған һалдаттарҙың туғандарына һәм яҡындарына ҡайғы уртаҡлашыу белдерҙе.

Республика Башлығы һәләк булыусыларҙың – Салауат районынан Рөстәм Шәйхуллин, Рәнис Алтынбаев, Сибайҙан Рөстәм Йомағолов, Саҡмағош районынан Фидан Мәмлиев, Белореттан Вадим Нафиҡовтың ата-әсәләренә телеграмма ебәрҙе. Унда былай тиелә:

«Ғаиләгеҙгә килгән оло бәләне – улығыҙҙың һәләк булыуына бәйле ҡайғығыҙҙы уртаҡлашам. Омск өлкәһенең Светлый ҡасабаһында Һауа десанты ғәскәрҙәре казармаһындағы ҡот осҡос фажиғә тураһында хәбәр республика халҡының йөрәген һыҙлатты. Кисерелгән ҡайғыны һүҙ менән генә аңлатып биреү мөмкин түгел. Рух ныҡлығы һәм сабырлыҡ һеҙгә, туғандарығыҙға һәм яҡындарығыҙға».

Иҫегеҙгә төшөрәбеҙ, Омскиҙа дүрт ҡатлы казарма стенаһының бер өлөшө һәм ҡыйығы 13 июлдә, урындағы ваҡыт буйынса төнгө сәғәт берҙә, емерелеп төшкән. Бинала 300-ҙән ашыу хәрби хеҙмәткәр булған.

Омскиҙа емереклектәр аҫтында ҡалған десантсыларҙы ҡотҡарыу операцияһы тамамланды. 42 кеше табылған, улар араһында 23 һәләк булыусы һәм 19 яраланыусы бар.

Теги:бр башлығы ҡайғы уртаҡлашыу ҡораллы көстәр

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».