Өфөлә ШОС дәүләттәре башлыҡтарының берлектәге ултырышы үтәсәк

Олег Яровиков

IMPORT Сервисный

ӨФӨ, 2015 йыл, 10 июль. /«Башинформ» мәғлүмәт агентлығы, Әлим Фәйезов/. 10 июлдә Рәсәй, Ҡаҙағстан, Ҡытай, Ҡырғыҙстан, Тажикстан һәм Үзбәкстан башлыҡтары Шанхай хеҙмәттәшлек ойошмаһы дәүләт башлыҡтары Советы ултырышында ҡатнашасаҡ.

Һуңғы ике көндә Өфө донъяуи иҡтисади һәм сәйәси майҙанға әүерелде, тип хәбәр итә ТАСС. Дәүләт башлыҡтары иҡтисад, финанс өлкәһендәге мөһим проблемаларҙы тикшерҙе, киләсәктә ғәмәлгә ашырыласаҡ проекттар буйынса мәсьәләләрҙе хәл итте. Йома сәйәсәт, социаль өлкә һәм хәүефһеҙлек иғтибар үҙәгендә буласаҡ.

Рәсәй Президенты ярҙамсыһы Юрий Ушаков һөйләүенсә, Советтың киңәйтелгән составында биш күҙәтеүсе илдең (Монголия, Һиндостан, Иран, Пакистан һәм Афғанстан) башлыҡтары, шулай уҡ Рәсәй Президенты ҡунағы булараҡ Төркмәнстан Президенты ҡатнашасаҡ.

Дәүләт башлыҡтары мәҙәни бәйләнештәрҙе үҫтереү, йәштәр менән алмашыу, туризмды әүҙемләштереү кәрәклеге хаҡында фекер алышасаҡ.

Президенттар Һиндостан менән Пакистанды Шанхай хеҙмәттәшлек ойошмаһына ҡабул итеү тәртибен хәл итәсәк, һөҙөмтәлә ойошмаға «ҙур һигеҙ» илдәре берләшмәләре тигән рәсми булмаған статус бирелеүе ихтимал. Иран ойошмаға ағза итеп алыуға рәсми ғариза биргән дә инде. Бер нисә ил (Азербайжан, Әрмәнстан, Бангладеш, Белоруссия, Шри-Ланка, Сирия, Украина, Мальдив Республикаһы, Камбоджа, Мысыр) Шанхай хеҙмәттәшлек ойошмаһының күҙәтеүсеһе йәки партнеры статусын биреү үтенесе менән мөрәжәғәт иткән.

Саммит йомғаҡтары буйынса ойошманың 2025 йылға тиклемге үҫеш стратегияһын раҫлау, Өфө декларацияһына ҡул ҡуйыу күҙаллана. Президенттар сик буйы мәсьәләләре буйынса хеҙмәттәшлек һәм үҙ-ара эшмәкәрлек тураһында килешеүгә ҡул ҡуясаҡ, алдағы өс йылда терроризмға, сепаратизмға һәм экстремизмға ҡаршы көрәштә хеҙмәттәшлек итеү программаһын раҫлаясаҡ.

#шос #брикс #өфө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.