Өфөгә «Синьхуа» агентлығы журналистары килде

IMPORT Сервисный

ӨФӨ, 2015 йыл, 1 июль. /«Башинформ» мәғлүмәт агентлығы, Сергей Захаров/. 30 июндә Өфөгә «Синьхуа» агентлығының бер төркөм журналистары килде. Делегация составында «Синьхуа» агентлығының Мәскәүҙәге Азия-Европа бюроһы директоры Фань Вэйго, шулай уҡ дүрт хәбәрсе бар. Өс көн дауамында улар баш ҡаланың 39-сы гимназияһына, Башҡорт дәүләт университетына, бер нисә сәнәғәт предприятиеһына һәм иҫтәлекле урындарға барырға ниәтләй. Шулай уҡ республика Хөкүмәтендә осрашыуҙар ҡаралған.

Белешмә. «Синьхуа» (Xinhua, «Яңы Ҡытай») — Ҡытай Халыҡ Республикаһының рәсми мәғлүмәт агентлығы. 1931 йылдың 7 ноябрендә Ҡытайҙың совет райондары вәкилдәренең беренсе Бөтә Ҡытай съезында «Хун Чжун шэ» агентлығы ойошторола. Тап ул донъяға Ҡытай Республикаһының барлыҡҡа килеүе хаҡында хәбәр итә. 1937 йылдың ғинуарында «Хун Чжун шэ» агентлығы «Синьхуа тунсюньшэ» («Яңы Ҡытай») тип үҙгәртелә. 1949 йылда Ҡытай Халыҡ Республикаһы ойошторолғандан алып «Синьхуа» — дәүләт мәғлүмәт агентлығы.

Агентлыҡтың штаб-фатиры Пекинда урынлашҡан. Ҡытай биләмәһендә уның 33 хәбәрселәр бюроһы асылған. 160-тан ашыу сит ил бүлексәләре бар, төрлө илдәрҙә 2500-ҙән ашыу үҙ хәбәрселәре, фотографтар һәм операторҙар эшләй. Ҡытай теленән тыш, мәғлүмәттәр инглиз, француз, рус, испан, ғәрәп, португал һәм япон телдәрендә бирелә. 1997 йылдың ноябренән «Синьхуа» мәғлүмәттәре рәсми рәүештә интернет аша тарала. Рус телендәге редакция 1956 йылдың октябрендә ойошторола. «Синьхуа» агентлығы 100-ҙән ашыу илдең мәғлүмәт агентлыҡтары һәм башҡа киң мәғлүмәт саралары менән мәғлүмәт алмашыу хаҡында килешеүҙәр төҙөгән. «Синьхуа» 20-нән ашыу гәзит-журналдар сығара. Агенствола Ҡытайҙың ҙур фотолар архивы бар. Уның коллекцияһында 2 миллион тарихи фотоһүрәттәр тупланған.

#киң мәғлүмәт саралары #журналистар #ҡытай халыҡ республикаһы #синьхуа

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.