Воскресенье, 31 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:13 (UTC+5), 22 Июня 2015

Журналистар фестивалендә ҡатнашыусылар ШОС һәм БРИКС илдәре мәҙәниәтен күрһәтте

автор һәм Артур Басиров

IMPORT Сервисный

ӨФӨ, 2015 йыл, 22 июнь. /«Башинформ» мәғлүмәт агентлығы, Ләйлә Аралбаева/. Быйыл Башҡортостан журналистарының «Журфест» йәйге фестивале республиканың күркәм урындарының береһендә — Күгәрсен районының «Мораҙым тарлауығы» тәбиғәт паркында ойошторолдо. Сараға баш мөхәррирҙәр, республика, район гәзит-журналдары, радио, телевидение һәм интернет-баҫмалар хәбәрселәре йыйылды.

Быйылғы фестиваль ШОС һәм БРИКС илдәренең мәҙәниәтенә арналды. Журналистарҙың командалары йәрәбә буйынса эләккән илдәрҙең сағыу презентацияһын әҙерләгәйне. Фестиваль биләмәһендә тематик майҙансыҡтар эшләне. ШОС илдәренең милли мәҙәниәттәре үҙәге етәкселәре, Ҡытай, Гана һәм Һиндостан студенттары сараның абруйлы ҡунаҡтары булды.

Фестивалде асыу тантанаһында журналистарҙы Башҡортостандың Матбуғат һәм киң мәғлүмәт саралары агентлығы етәксеһе Борис Мелкоедов, Журналистар союзы рәйесе Артур Дәүләтбәков сәләмләне. Сара сиктәрендә иң яҡшы хеҙмәткәрҙәргә Матбуғат һәм киң мәғлүмәт саралары агентлығы, Күгәрсен районы хакимиәте, сараның генераль партнеры «Башнефть» асыҡ акционерҙар йәмғиәтенең почет грамоталары һәм рәхмәт хаттары тапшырылды. Шулай уҡ Башҡортостан Журналистар союзына яңы ағзалар алынды.

Фестивалдә Матбуғат клубы ла ойошторолдо, унда журналистар, ҡунаҡтар һәм сараны ойоштороусылар ҡатнашты. Мәскәүҙән килгән билдәле дизайнер, гәзиттәрҙе график биҙәү буйынса китаптар авторы, «Журналистика һәм медиабаҙар» журналы күҙәтеүсеһе Владимир Скоробогатько оҫталыҡ дәрестәре үткәрҙе.

Бөтә теләүселәр Яңы Мораҙым мәмерйәһенә экскурсияға барҙы. Фестиваль «EvroАзия» төркөмө, Күгәрсен районы артистары ҡатнашлығындағы концерт менән тамамланды.

Йыл һайын республиканың төрлө райондарында «Журфест» һабантуйы уҙғарыла. Быйыл ул бишенсе тапҡыр ойошторолдо. Киң мәғлүмәт саралары фестивале, ғәҙәттәгесә, һөнәри байрам – Башҡортостандың Матбуғат көнө уңайынан үткәрелә. Сараны ойоштороусылар – Башҡортостандың Матбуғат һәм киң мәғлүмәт саралары агентлығы, Башҡортостандың Журналистар союзы, «Башнефть», «Имидж-Консультант» компаниялары.

1 из 18

#киң мәғлүмәт саралары #фестиваль #журфест #шос һәм брикс саммиттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.