Шаршамбы, 21 Октябрь 2026

Өфө

+5 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Һуңғы яңылыҡтар

Төп бит/Йәмғиәт

10:13 (UTC+5), 19 Июнь 2015

Өфөлә медицина хеҙмәткәрҙәрен һөнәри байрамдары менән ҡотланылар

Андрей Старостин

ӨФӨ, 2015 йыл, 19 июнь. /«Башинформ» мәғлүмәт агентлығы, Гөлфиә Акулова/. Өфөлә медицина хеҙмәткәрҙәрен һөнәри байрамдары менән ҡотланылар. 18 июндә «Башҡортостан» дәүләт концерт залында медицина тармағы хеҙмәткәрҙәрен тәбрикләү тантанаһы булды.

Табиптарҙы, шәфҡәт туташтарын һәм фельдшерҙарҙы төбәк Башлығы исеменән Башҡортостан Хөкүмәте Премьер-министры урынбаҫары Салауат Сәғитов ҡотланы.

«Халыҡ аҡ халатлы табиптарға ышанып һәм өмөтләнеп мөрәжәғәт итә. Һеҙ кешеләрҙе аяҡҡа баҫтыраһығыҙ, һөҙөмтәлә пациенттарҙың өмөттәрен аҡлайһығыҙ. Бөгөнгө көндә республикала тармаҡты үҫтереүгә ҙур иғтибар бирелә, беҙ табиптарыбыҙ – юғары кимәлдәге белгестәр менән ғорурланабыҙ. Бөгөн алдыбыҙҙа ҙур бурыстар тора. Тәү сиратта ғүмер оҙайлығын арттырырға, үлемде кәметергә кәрәк. Бының өсөн медицина хеҙмәткәрҙәренең көсө һәм Хөкүмәт яғынан финанс ярҙамы етерлек. Һеҙҙе һөнәри байрамығыҙ менән ҡотлайым һәм ныҡлы һаулыҡ теләйем», — тип билдәләне вице-премьер.

Салауат Сәғитов уңыш ҡаҙанған медиктарға лайыҡлы наградалар тапшырҙы. Республиканың 12 табибына «Башҡортостандың атҡаҙанған табибы» исеме бирелде. Бер өлкән шәфҡәт туташы «Башҡортостандың атҡаҙанған һаулыҡ һаҡлау хеҙмәткәре» исеменә лайыҡ булды. Һуғыш ветерандарының республика клиник госпитале хеҙмәткәрҙәре Башҡортостан Республикаһы грамоталарын алды. Баш табип урынбаҫары Ирина Бакурина әйтеүенсә, Еңеүҙең 70 йыллығы госпиталь өсөн әһәмиәтле булды. Заманса йыһазландырылған 80 койкалыҡ корпус сафҡа индерелде.

Республиканың һаулыҡ һаҡлау министры Әнүәр Бакиров үҙенең сәләмләү һүҙендә билдәләүенсә, дөйөм алғанда, бөгөн тармаҡ тотороҡло, ышаныслы эшләй. Ведомство башлығы ете табипҡа «Рәсәйҙең һаулыҡ һаҡлау отличнигы» билдәһен тапшырҙы. Улар араһында һуғыш ветерандарының республика клиник госпиталенең функциональ диагностика яһау бүлеге мөдире Флүзә Фәррәхова, Талбазы үҙәк район дауаханаһының Исмаил фельдшер-акушерлыҡ пункты мөдире Динә Хәмитова бар. Шулай уҡ медиктар республика Һаулыҡ һаҡлау министрлығының Почет грамоталарына лайыҡ булды.

1 из 20

#һаулыҡ һаҡлау #байрамдар #медицина хеҙмәткәрҙәре көнө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.