Йома, 17 Апрель 2026

Өфө

0 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

11:50 (UTC+5), 18 Июнь 2015

Өфөлә «Йылдың иң яҡшы табибы» республика конкурсы еңеүселәре бүләкләнде

Андрей Старостин

IMPORT Сервисный

ӨФӨ, 2015 йыл, 18 июнь. /«Башинформ» мәғлүмәт агентлығы, Эльмира Сабирова/. Өфөлә «Йылдың иң яҡшы табибы» республика конкурсы еңеүселәре тәбрикләнде. Медицина хеҙмәткәрҙәре көнө алдынан Ғ.Ҡыуатов исемендәге Республика клиник дауаханаһының «Медик» мәҙәниәт һарайында һөнәрҙәре буйынса иң яҡшыларҙы бүләкләү тантанаһы уҙҙы.

Маҡтаулы исемгә бөтә республиканан 85 табип дәғүә итте. Улар 30-ҙан ашыу номинацияла билдәләнде. Кандидаттарҙы һайлап алғанда уларҙың һөнәри һәм шәхси сифаттары, тәжрибәһе, ҡаҙаныштары, коллегаларының һәм пациенттарҙың баһалауы иҫәпкә алынды.

Лауреаттарҙы ҡотлап, Башҡортостандың һаулыҡ һаҡлау министры Әнүәр Бакиров, был наградалар – коллегаларҙың һәм пациенттарҙың һөнәри ҡаҙаныштарға юғары баһаһы, тип билдәләне. Бөгөнгө көндә тармаҡта үҙ эшенең оҫталары эшләй, улар һәр ваҡытта ярҙамға килергә һәм кеше ғүмерҙәрен ҡотҡарырға әҙер, тине ведомство башлығы.

Бүләкләнеүселәр араһында Республика балалар клиник дауаханаһының табип-нефрологы Фәриҙә Саҡаева менән Өфөнөң 8-се ҡала клиник дауаханаһының табип-урологы Фәид Шакиров бар. Улар «Һөнәргә тоғролоҡ өсөн» номинацияһында билдәләнде.

Республика балалар клиник дауаханаһының табиптар бригадаһы: табип-хирург Артем Неудачин, балалар хирургияһы кафедраһы доценты (ассистент) Гүзәл Латипова, врач-хирург (ассистент) Фәрис Миңғолов, табип-анестезиологтар-реаниматологтар Рөстәм Бәҙертдинов һәм Эльвира Мансурова «Кеше ғүмерен ҡотҡарған уникаль операция яһаған өсөн» номинацияһына лайыҡ булды.

Шуны билдәләп үтергә кәрәк: Республика балалар клиник дауаханаһының баш табибы Рөстәм Әхмәтшин «Иң яҡшы медицина ойошмаһы етәксеһе» номинацияһында еңеп сыҡты.

Республика конкурсында еңеүселәрҙең эше Рәсәй Һаулыҡ һаҡлау министрлығы иғлан иткән бөтә Рәсәй конкурсында ҡатнашыу өсөн ебәреләсәк.

Быйыл конкурс комиссияһы «Венера Ҡарамышева иҫтәлегенә медицина темаһына яҙышыусы иң яҡшы журналист» номинацияһын булдырҙы. Унда «Рәсәй гәзите»нең Өфө филиалы хәбәрсеһе Тамара Пересыпкина еңеү яуланы.

1 из 16

#һаулыҡ һаҡлау #бүләкләүҙәр #табиптар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.