Башҡортостандың социаль өлкә хеҙмәткәрҙәре һөнәри байрамын билдәләй

Олег Яровиков

IMPORT Сервисный

ӨФӨ, 2015 йыл, 8 июнь. /«Башинформ» мәғлүмәт агентлығы, Арина Рәхимҡолова/. Бөгөн, 8 июндә, бөтә Рәсәйҙәге кеүек үк Башҡортостанда ла Социаль хеҙмәткәрҙәр көнө билдәләнә. Өс йөҙ йылдан ашыу элек Петр I социаль яҡлауҙың дәүләт системаһын булдырыуға башланғыс һалған Указ сығара. Ошо ваҡыттан бирле социаль хеҙмәткәрҙәрҙең эше үҙгәрҙе. Шуға ҡарамаҫтан, бөгөн тап улар тәүгеләрҙән булып кешеләрҙең проблемаларын үҙ өҫтөнә ала һәм ҡулдарынан килгәнсә хәл итергә ярҙамлаша.

Хәҙерге календарҙа социаль хеҙмәткәрҙәрҙең байрамы 2000 йылда Рәсәй Президенты тарафынан булдырыла.

Был көндө тейешле министрлыҡ-ведомстволар, инвалидтар, ҡарттар, аҙ тәьмин ителгән граждандар тураһында хәстәрлек күргән социаль хеҙмәттәр, социаль тәьмин итеү учреждениелары вәкилдәре ҡотлауҙар ҡабул итә. Илебеҙҙә ошо өлкәлә эшләгән 630 мең самаһы белгес Социаль хеҙмәткәрҙәр көнөн билдәләй. Уларҙың ярҙамына мохтаж кешеләрҙең һаны 25 миллиондан ашыу, шуларҙың 15 миллионы — инвалидтар һәм пенсионерҙар.

Башҡортостанда Хеҙмәт һәм халыҡты социаль яҡлау министрлығы системаһында эшләүсе 13 меңдән ашыу кеше Социаль хеҙмәткәрҙәр көнөн һөнәри байрамы тип һанай.

Бөгөн, 8 июндә, Өфөнөң Ҡала мәҙәниәт һарайында Социаль хеҙмәткәрҙәр көнөнә арналған байрам була. Тантаналы сарала «Халыҡты социаль яҡлау учреждениеһының иң яҡшы хеҙмәткәре» республика конкурсы еңеүселәре иғлан ителәсәк. Көндөҙгө сәғәт 4-тә башлана.

#һөнәри байрамдар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.