Понедельник, 25 Мая 2026

Уфа

+27 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

13:57 (UTC+5), 28 Мая 2015

Өфөлә «Башҡортостан Республикаһында халыҡ сәләмәтлеге көндәре» акцияһы үтте

Андрей Старостин

IMPORT Сервисный

ӨФӨ, 2015 йыл, 28 май. /«Башинформ» мәғлүмәт агентлығы, Илья Спиридонов/. 28 майҙа Өфөлә Башҡортостан Башлығы Рөстәм Хәмитов В.И.Ленин исемендәге паркта үткәрелгән «Башҡортостан Республикаһында халыҡ сәләмәтлеге көндәре» акцияһында ҡатнашты. Был сара Башҡортостандың Һаулыҡ һаҡлау министрлығы һәм Республика кардиология диспансеры тәҡдиме менән икенсе йыл рәттән ойошторола.

Рөстәм Хәмитов Өфө поликлиникаларындағы Сәләмәтлек үҙәктәренең күргәҙмәһе ҡуйылған «Дөрөҫ туҡланыу фонтаны» һәм «Һаулыҡ фонтаны» майҙансыҡтарын ҡараны. Бында ҡала халҡы өсөн офтальмолог, стоматолог, гастроэнтеролог, терапевт һәм эндокринолог эшләне, шулай уҡ ҡандағы шәкәр кимәлен тикшертергә мөмкин ине. Теләүселәр кардиограмма яһатты, дауалау физкультураһы буйынса инструкторҙың күҙәтеүендә тренажерҙа, йүгереү юлында үҙ көсөн һынап ҡараны, белгес менән кәңәшләште.

«Йәшел сауҡалыҡ» шифаханаһы стенды янында республика Башлығы «Витаминлы» һәм «Тынысландырыусы» үлән сәйҙәрен тәмләп ҡараны, һуңынан балалар, үҫмерҙәр һәм студенттар өсөн «Зарядка» флешмобында ҡатнашты. Уны «Мәрхамәт» хәйриә фонды ойошторған.

Халыҡ сәләмәтлеге көндәре сиктәрендә йәштәр һәм үҫмерҙәр араһында алкоголизмды, наркоманияны һәм тәмәке тартыуҙы иҫкәртеүгә йүнәлтелгән «Тәмәке урынына алма» һәм «Туҡта» акциялары үткәрелде.

Рөстәм Хәмитов күсмә диагностик модулдәрҙең эше менән танышты. Онкомодулдә маммолог һәм онколог ҡабул итте, ә күсмә кардиология модулендә ҡанды, артериаль ҡан баҫымын тикшерткәндән һәм ЭКГ үткәндән һуң табип-кардиолог консультация бирҙе. Республика кардиология диспансеры вәкилдәренең төбәк Башлығына хәбәр итеүҙәренсә, былтыр күсмә модуль Башҡортостандың 32 районына барған. 138 мең кеше тикшереү үткән, пациенттарҙың 29 процентында гипертония асыҡланған. Был иһә сирҙе ваҡытында дауаларға мөмкинлек биргән.

«Башҡортостан Республикаһында халыҡ сәләмәтлеге көндәре» акцияһында 700-ҙән ашыу кеше ҡатнашты.

1 из 20

#һаулыҡ һаҡлау #халыҡ сәләмәтлеге көндәре #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.