Баш ҡалала «Урал батыр» эпосының архив тексының баҫмаһы донъя күрҙе

IMPORT Сервисный

ӨФӨ, 2015 йыл, 22 май. /«Башинформ» мәғлүмәт агентлығы, Әлим Фәйезов/. Өфөлә «Урал батыр» эпосының архив тексының факсимиль баҫмаһы донъя күрҙе. Рәсәй фәндәр академияһы Өфө ғилми үҙәгенең Тарих, тел һәм әҙәбиәт институтында аңлатыуҙарынса, әлеге көнгә тиклем «Урал батыр» эпосының тәүге тексының тулы версияһы айырым китап булып баҫылып сыҡманы. Баҫманы ғилми хеҙмәткәр Гөлнар Юлдыбаева әҙерләгән.

1910 йылда күренекле сәсән, фольклорсы һәм мәғрифәтсе Мөхәмәтша Буранғолов Баймаҡ районының Иҙрис һәм Икенсе Этҡол ауылдарында сәсәндәр Ғәбит Арғынбаев (1856-1921) менән Хәмит Әлмөхәмәтовтан (1861-1923) «Урал батыр» эпосын яҙып алған. Эпостың машинкала баҫылған башҡортса тексы һаҡланған. 1941 йылда Мөхәмәтша Буранғолов ошо тексты баҫмаға әҙерләй, әммә ул донъя күрмәй.

«Урал батыр» эпосының башҡортса ҡыҫҡартылған варианты тәүге тапҡыр 1968 йылда «Ағиҙел» журналының 5-се һанында баҫыла. Шул ваҡыттан бирле эпостың тексын башҡорт, рус, инглиз, төрөк, немец, француз телдәрендә баҫтырыу буйынса ҙур эш башҡарылған.

Тиҫтәләрсә монографиялар, ошо ҡомартҡыны өйрәнеү проблемаларына арналған бер нисә конференция материалдары донъя күрҙе. «Урал батыр» эпосын өйрәнеү һәм популярлаштырыу әүҙемләште. 1998 йылдан алып — республика йәш сәсәндәр, 2010 йылдан эпосты сит телдәрҙә һөйләүселәр конкурсы дауам итә. «Башҡортостандың алтын ҡулсаһы: «Урал батыр» эпосы юлдары буйлап» туристик проекты әҙерләнгән.

«Урал батыр» эпосы — «Башҡортостандың ете мөғжизәһе»нең береһе, ул ТӨРКСОЙ-ҙың матди булмаған мәҙәни мираҫ исемлегенә һәм ЮНЕСКО-ның яҡынса «Кешелек донъяһының рухи һәм матди булмаған мираҫтары» исемлегенә индерелгән.

1 из 4

#китап сығарыу #урал батыр эпосы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.