28 майҙа Өфөлә ШОС һәм БРИКС саммитында ҡатнашыусылар йәшәйәсәк Hampton by Hilton отеле асыла

ӨФӨ, 2015 йыл, 20 май. /«Башинформ» мәғлүмәт агентлығы, Артур Басиров/. 28 майҙа Өфөлә Hampton by Hilton отеле асыла. Ул Октябрҙең 50 йыллығы урамында урынлашҡан. ШОС һәм БРИКС саммиттары ваҡытында унда форумда ҡатнашыусылар йәшәйәсәк.

Һигеҙ ҡатлы ҡунаҡханала 161 номер бар, икәүһе һаулыҡ мөмкинлектәре сикләнгән кешеләргә тәғәйенләнгән. Эконом класлы отель «дүрт йондоҙло» ҡунаҡхана талаптарына тап килә. Ҡунаҡтар тәүлек әйләнәһенә эшләгән лобби-бар, фитнес үҙәге, бушлай Wi-Fi, парковка урындары, һөйләшеүҙәр өсөн залдар менән файҙалана ала. Башҡорт биҙәктәре төшөрөлгән быяла витраждан эшләнгән стена Hampton by Hilton отеленең милли үҙенсәлеге булып тора.

Hilton Worldwide — 90 йылдан ашыу донъя ҡунаҡсыллыҡ индустрияһы лидеры. Компания 1919 йылда булдырылған, 82 илдә 3600 отеле бар.