Рөстәм Хәмитов Ҡытайҙың транспорт министры Ян Чуаньтан менән осрашты

IMPORT Сервисный

ӨФӨ, 2015 йыл, 14 май. /«Башинформ» мәғлүмәт агентлығы/. 14 майҙа Республика йортонда Башҡортостан Башлығы Рөстәм Хәмитов Ҡытай Халыҡ Республикаһының транспорт министры Ян Чуаньтан менән осрашты, тип хәбәр иттеләр төбәк Башлығының матбуғат хеҙмәтенән.

Рөстәм Хәмитов Ҡытай Халыҡ Республикаһының транспорт министрын республика, Башҡортостандың сәнәғәт мөмкинлектәре менән таныштырҙы. Төбәк етәксеһе нефть сығарыу, нефть эшкәртеү, нефть химияһы һәм химия, ауыл хужалығы, автомобиль юлдарын яңыртыу, яңы юлдар төҙөү кеүек тармаҡтарҙың үҫешенә баҫым яһаны.

— Республикабыҙ биләмәһе аша «Көнбайыш Ҡытай — Европа» трассаһы үтәсәк. Ошо трассаның 300 саҡрым самаһы, эре федераль магистралдәр ҙә республикабыҙ аша үтә. Пассажирҙар ташыу буйынса беҙҙең аэропорт Рәсәйҙә һигеҙенсе-туғыҙынсы урынды биләй. Бөгөн һеҙҙең менән аэропорттың яңы халыҡ-ара терминалын асабыҙ, — тип билдәләне республика Башлығы.

Осрашыу барышында һуңғы йылдарҙа Башҡортостанда Ҡытай Халыҡ Республикаһы төбәктәре менән мөнәсәбәттәрҙең әүҙем үҫешеүе билдәләнде. Бер нисә килешеүгә ҡул ҡуйылған, инвестиция проекттары тормошҡа ашырыуға әҙерләнә. Рөстәм Хәмитов Ҡытайға тура һауа юлын булдырыу кәрәклеге хаҡында белдерҙе.

— ШОС һәм БРИКС саммиттарынан һуң Рәсәй, Ҡытай Халыҡ Республикаһы һәм Башҡортостан араһында төбәк-ара кимәлдәге бизнес уңышлы үҫешһен өсөн төбәк етәкселәре менән осрашыу үткәрергә ниәтләйбеҙ, — тип билдәләне Рөстәм Хәмитов.

Осрашыуҙың тулы стенограммаһы менән Башҡортостан Республикаһы Башлығының рәсми сайтында танышырға мөмкин.

#бр башлығы #рәсми осрашыуҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.