Бөгөн — Радио көнө

IMPORT Сервисный

ӨФӨ, 2015 йыл, 7 май. /«Башинформ» мәғлүмәт агентлығы, Арина Рәхимҡолова/. Бөгөн Рәсәйҙә Радио көнө билдәләнә, уны бөтә элемтә тармағы хеҙмәткәрҙәре байрам итә. 1895 йылдың 7 майында рус физигы Александр Попов беренсе радиобәйләнеш сеансы булдыра һәм донъяға тәүге радиоалғысты күрһәтә.

Башҡортостан — элемтә селтәрен үҫтереү буйынса алдынғы төбәктәрҙең береһе. Һуңғы йылдарҙа республикала һауа линияларын кабелгә, шул иҫәптән оптик һыҙаттарға алмаштырыу буйынса ҙур эш башҡарылды. Улар төбәктең бөтә район үҙәктәрен һәм ҡалаларын берләштерә. Бынан тыш, республиканың бөтә ҡалаларында тиерлек, шулай уҡ ҡайһы бер район үҙәктәрендә телерадиостудиялар бар.

Рәсәйҙә әлеге дата тәүге тапҡыр 1925 йылдың майында билдәләнә. Алдағы түңәрәк даталар һиҙелмәй үтеп китә. Быны шул дәүерҙә Рәсәйҙә барған ҡатмарлы сәйәси ваҡиғалар менән аңлатып була. Радионың 20 йыллығы Беренсе донъя һуғышына тап килә, 25 йыл тулған ваҡытта илдә Граждандар һуғышы барған була.

Радионың ярты быуатлыҡ юбилейы фашистик Германияны еңгән ваҡытҡа тура килә. 1945 йылдың 2 майында СССР Халыҡ Комиссарҙары Советының Александр Попов уйлап тапҡан радионың 50 йыллығын байрам итеү тураһында ҡарары сыға. Йәмғиәттең мәҙәни, сәйәси тормошонда һәм ил оборонаһында радионың ролен иҫәпкә алып, хөкүмәт йыл һайын 7 майҙа Радио көнөн билдәләргә ҡарар итә.

Поповтың исемен Рәсәйҙә генә беләләр. Гульельмо Маркони киң танылыу яулай, ул Александр Попов үҙе уйлап сығарған радиоһын күрһәткәндән бер йыл үткәс кенә Бөйөк Британияның телеграф ведомствоһы хеҙмәткәрҙәренә, армия һәм адмиралтейство вәкилдәренә «үткәргесһеҙ телеграф» тәҡдим итә. Поповтың эше тураһында бер ни ҙә билдәле булмаһа ла, Маркони тәжрибәләре хаҡында мәҡәләләр бөтә гәзиттәрҙә баҫыла.

Әлеге ваҡытта радиобәйләнеш ҙур үҫеш юлы үткән, бөгөн элемтә технологиялары көндәлек тормоштоң айырылғыһыҙ өлөшө булып тора.

«Башинформ» агентлығы коллективы радиола һәм элемтә тармағында эшләүсе журналистарҙы һөнәри байрамдары менән ҡотлай һәм һаулыҡ, ижади уңыштар теләй.

#иҫтәлекле дата #радио

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.