Айҙар Ғәлимов ауылдаштарына – Бөйөк Ватан һуғышы ветерандарына обелиск асты

IMPORT Сервисный

ӨФӨ, 2015 йыл, 6 май. /«Башинформ» мәғлүмәт агентлығы, Ғәлиә Нәбиева/. Миәкә районының Оло Кәркәле ауылында Бөйөк Ватан һуғышында ҡатнашҡан ауылдаштарға обелиск асылды. Иҫтәлекле мемориал булдырыу башланғысы менән ошо ауылда тыуып үҫкән Башҡортостандың һәм Татарстандың халыҡ артисы, Башҡортостандың Дәүләт Йыйылышы депутаты Айҙар Ғәлимов сығыш яһаны, тип хәбәр иттеләр «Берҙәм Рәсәй» партияһының төбәк бүлексәһенән. Обелиск ҡуйыуҙа йырсының дуҫтары — Өфө, Башҡортостандың башҡа ҡалалары һәм Мәскәү эшҡыуарҙары, ябай кешеләр, ауылдаштар ярҙам күрһәтте.

Йырсының ике олатаһы ла Бөйөк Ватан һуғышында ҡатнашҡан. Әсәһе яғынан олатаһы Ғәлим Нәғим улы Хәбиров һуғыштың иң ауыр тәүге көндәрендә уҡ яуға китә һәм ауыр яраланып ҡайта. Атаһы яғынан олатаһы, кесе сержант Бәхтиғәни Мөхәмәтғәли улы Ғәлимов 1941 йылдың сентябрендә фронтта хәбәрһеҙ юғала. Бына күп йылдар инде уның ейәндәре олаталарының һәләк булған урынын асыҡларға тырыша.

2013 йылдың 14 сентябрендә Бөйөк Ватан һуғышында ҡатнашыусы Миңлегәрәй Фәруҡша улы Әхмәтшин, Айҙар Ғәлимов һәм Фаил Ғәлимов обелискыға нигеҙ ташы һалғайны.

Обелискты асыуға күрше райондарҙан, Өфөнән, Мәскәүҙән, Ҡазандан ҡунаҡтар, Айҙар Ғәни улының дуҫтары, обелискты ҡуйыуға өлөш индергән меценаттар килде. Тантана мәктәптә ветеран уҡытыусыларҙы ҡотлауҙан башланды. Белем усағы алдындағы майҙанда теләүселәр ялан кухняһында бешерелгән һалдат бутҡаһы менән һыйланды.

Обелискты асыу тантанаһында Дәүләт Йыйылышы депутаттары Айҙар Ғәлимов, Наил Баһауетдинов, Илдус Ғүмәров, Ринат Райманов, Руфина Шаһапова, «Берҙәм Рәсәй» партияһының төбәк башҡарма комитеты етәксеһе Рәмзил Ишһарин, Миәкә һәм Бишбүләк райондары башлыҡтары ҡатнашты. Сара «Айҙар» театр студияһының концерты менән тамамланды.

#бр дәүләт йыйылышы депутаттары #еңеүҙең 70 йыллығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.