Төбәктә 219 кеше, шул иҫәптән 63 бала талпандан зыян күргән

IMPORT Сервисный

ӨФӨ, 2015 йыл, 30 апрель. /«Башинформ» мәғлүмәт агентлығы, Эльмира Сабирова/. Роспотребнадзорҙың Башҡортостан буйынса идаралығынан хәбәр итеүҙәренсә, быйылғы эпидемиологик миҙгелдә медицина ойошмаларына талпандан тешләнгән 219 кеше мөрәжәғәт иткән. Уларҙың 63-ө — балалар. Дауаханаға килгәндәрҙең 34 процентына иммуноглобулин профилактикаһы үткәрелгән.

Гигиена һәм эпидемиология үҙәге лабораторияһында 1 апрелдән алып 177 талпан тикшерелгән, шуларҙың туғыҙында энцефалит вирусы асыҡланған. Шуның менән бергә әлеге ваҡытта талпан энцефалиты менән ауырыусылар теркәлмәгән.

Талпан ҡаҙалған икән, кисекмәҫтән йәшәгән урын буйынса поликлиникаға, имгәнеү пунктына мөрәжәғәт итеү зарур. Уны һаҡлыҡ менән генә алырға кәрәк, юғиһә томшоғо тороп ҡалыуы ихтимал, тип кәңәш бирә белгестәр.

Талпандың зарарлымы-түгелме икәнлеген Өфө ҡалаһы, Шәфиев урамы, 7 адресы буйынса урынлашҡан Гигиена һәм эпидемиология үҙәге лабораторияһында йәки уның Күмертау, Нефтекама, Бөрө, Стәрлетамаҡ, Туймазы, Октябрьский, Салауат ҡалаларындағы филиалдарында тикшертергә мөмкин. Өфөләге лаборатория көн һайын иртәнге сәғәт 9-ҙан көндөҙгө 4-кә тиклем, 1 майҙан ял һәм байрам көндәрендә лә эшләй. Белешмә өсөн телефон: (347) 237-58-40.

#роспотребназорҙың бр буйынса идаралығы #талпан энцефалиты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.