Республикала Европа иммунизация аҙналығы бара

Андрей Старостин

IMPORT Сервисный

ӨФӨ, 2015 йыл, 22 апрель. /«Башинформ» мәғлүмәт агентлығы, Эльмира Сабирова/. Башҡортостан Европа иммунизация аҙналығына ҡушылды. Сара 20 апрелдән 27-нә тиклем үткәрелә. СПИД-ҡа һәм йоғошло ауырыуҙарға ҡаршы көрәш һәм иҫкәртеү буйынса республика үҙәгенең баш табибы Рафаэль Яппаров «Башинформ» агентлығында уҙған матбуғат конференцияһында хәбәр итеүенсә, Рәсәйҙә генә түгел, Көнбайыш Европа, Латин Америкаһы, Африка илдәрендә лә йоғошло сирҙәрҙең артыуына бәйле халыҡты иммунизациялау проблемаһы тәүге урынға сыға.

Аҙналыҡтың төп маҡсаты — халыҡтың йоғошло ауырыуҙарҙы иҫкәртеү мәсьәләләре буйынса хәбәрҙар булыу кимәлен күтәреү. Быйыл Европа иммунизация аҙналығы «Иммунизациялағы проблемаларҙы юҡ итергә!» тигән девиз аҫтында уҙа.

Йыл һайын Башҡортостанда 1,8 миллиондан ашыу кеше йоғошло сирҙәргә ҡаршы прививка яһата.

Ошо саралар һөҙөмтәһендә 2014 йылда республикала дифтерия, тартышыу, полиомиелит, ҡыҙамыҡ кеүек ауырыуҙар теркәлмәгән. Әммә, Рафаэль Яппаров билдәләүенсә, ҡайһы бер инфекциялар буйынса эпидемик хәл насарайған. Быйыл быума йүтәл менән ауырыу 1,7 тапҡырға артҡан һәм урындағы халыҡ араһында ҡыҙылса менән ауырыуҙың ике осрағы теркәлгән.

Баш табип һүҙҙәренсә, дифтерияға, быума йүтәлгә, ҡыҙылсаға ҡаршы прививка яһатылмаған балаларҙың һаны артҡан.

Башҡортостанда аналыҡта яман шеш барлыҡҡа килтереүсе папилломатоз инфекцияһынан вакцинация үткәрелә. 2010 йылдан алып 12 -16 йәшлек 3,5 мең ҡыҙға прививка яһалған. Быйыл тағы ике мең доза вакцина һатып алынған.

— Йоғошло сирҙәр хәүефһеҙлеге мәсьәләләре Өфөләге ШОС һәм БРИКС саммиттарына әҙерлек сиктәрендә лә бик мөһим. Тәү сиратта медицина, хоҡуҡ һаҡлау органдары хеҙмәткәрҙәренә, ирекмәндәргә А гепатиты, дизентерия, ҡыҙылсанан вакцинация үткәрелә, — тип хәбәр итте Рафаэль Яппаров.

#һаулыҡ һаҡлау #иммунизация

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.