Среда, 29 Апреля 2026

Уфа

+3 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:23 (UTC+5), 22 Апреля 2015

Өфөлә «Сколково» фондының бөтә Рәсәй стартап-туры асылды

Олег Яровиков

IMPORT Сервисный

ӨФӨ, 2015 йыл, 22 апрель. /«Башинформ» мәғлүмәт агентлығы, Эльмира Сабирова/. Өфө дәүләт нефть техник университетында ике көнлөк стартап-тур асылды. Ойоштороусылар уны перспективалы яңы технологиялар һәм ҡарарҙар эҙләү буйынса Рәсәйҙә иң ҙур проект тип атай. Унда ҡатнашыу өсөн республиканың баш ҡалаһына 400-ҙән ашыу кеше килде.

Сараны асып, Башҡортостан Хөкүмәте Премьер-министры урынбаҫары Дмитрий Шаронов стартап-тур кеүек ваҡиғалар Рәсәй төбәктәрендә инновацияны үҫтереү өсөн бик мөһим тип билдәләне.

— Беҙ бындай осрашыуҙарҙы дауам итергә әҙер. Был нефть химияһы, биомедицина, радиоэлектроника өлкәһендәге ҡаҙаныштарыбыҙ менән уртаҡлашыу өсөн яҡшы мөмкинлек. Иң мөһиме — маҡсатҡа ынтылыуҙан туҡтамаҫҡа кәрәк, — тине вице-премьер.

— Стартап-тур — таланттар эҙләү буйынса ҙур сараларҙың береһе. Беҙ Рәсәйҙең инновациялы картаһында Өфөнөң мөһим урын ала барыуына шатбыҙ. Университетыбыҙҙың ошо ваҡиғала ҡатнашыуы айырыуса ҡыуаныслы. Беҙ «Сколково» фонды менән тығыҙ бәйләнештәбеҙ. Мин стартап-турҙың йәштәргә яңы белем алырға, яңы технологиялар булдырырға ярҙам итәсәгенә ышанам, — тине Өфө дәүләт нефть техник университеты ректоры вазифаһын башҡарыусы Рәмил Бәхтизин.

Рәмил Бәхтизин беренсе көндө сығыштар һәм оҫталыҡ дәрестәре буласаҡ тип асыҡлыҡ индерҙе. Икенсе көндө эксперттар тарафынан алдан һайлап алынған командалар баһалама ағзаларына үҙҙәренең инновациялы проекттарын тәҡдим итәсәк.

«Сколково» фонды президенты кәңәшсеһе Пекка Вильякайнен Өфөгә өсөнсө тапҡыр килгән.

— Мин 200 кешелек ауылда тыуҙым һәм оҙаҡ йылдар шунда йәшәнем. 13 йәшемдә үҙемдең эшемде астым. Һуңғараҡ эшселәр яллай башланым һәм уларҙың һаны 26 илдә 10 меңгә етте. Өс йыл элек, ул ваҡытта миңә 39 йәш ине, эштән ситләштем. Хәҙер дивидендтар алам, — тип һөйләне миллионер.

Пекка Вильякайнен фекеренсә, кешеләр «уянһын» өсөн Рәсәй көрсөк хәлендә ҡалырға тейеш ине.

— Көрсөк — яңы компаниялар асыу өсөн иң яҡшы мәл. Хәҙер ҙур компаниялар, нефть производстволары һәм банктар яңы үҫеш юлын эҙләй. Был — бәләкәй эшҡыуарлыҡ өсөн үҙенсәлекле мөмкинлек. Минең күҙаллауымса, алдағы ун йылда Рәсәйҙә меңдәрсә эш урыны барлыҡҡа киләсәк, һәм уларҙың барыһы ла бәләкәй производство өлкәһендә тупланасаҡ, — тине Пекка Вильякайнен.

Конкурс программаһы йомғаҡтары буйынса беренсе урынға лайыҡ булыусы йәй көнө «Сколково» үҙәге территорияһында үтәсәк финалға путевка менән бүләкләнәсәк. Икенсе һәм өсөнсө урын алыусыларға фәнни-техник өлкәлә Бәләкәй предприятиеларға ярҙам фондынан гранттар, шулай уҡ финалда ҡатнашыуға саҡырыу тапшырыласаҡ.

1 из 20

#фән #бөтә рәсәй кимәлендәге стартап-тур #сколково

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.