«Тамаша» журналының икенсе һанында сәнғәт әһелдәренең тормошо һәм ижады менән танышырға мөмкин

IMPORT Сервисный

ӨФӨ, 2015 йыл, 21 апрель. /«Башинформ» мәғлүмәт агентлығы/. «Тамаша» журналының икенсе һаны күренекле сәнғәт әһелдәренең тормошона һәм ижадына бағышланған. Фәрит Фәтҡуллин Рәсәйҙең атҡаҙанған, Башҡортостандың халыҡ артисы Бәхти Ғайсин хаҡында бәйән итә. Билдәле аккордеонсы һәм композитор Башҡорт дәүләт филармонияһында күп йылдар концертмейстер булып эшләй, мәшһүр йырсы, тормош иптәше Фәриҙә Ҡудашева менән бергә сығыш яһай. Ошо музыкаль һәм ғаилә дуэты тамашасыларҙың һөйөүен яулай.

Риф Мифтахов башҡорт яҙыусыһы, шиғырҙар, повестар, романдар, новеллалар, юмористик һәм сатирик хикәйәләр авторы Сәғит Агиштың үҙенсәлекле мираҫын тикшерә.

«Еңеүҙең 70 йыллығы» рубрикаһында Бөйөк Ватан һуғышы ветераны, Миәкә районында халыҡ театрын асыуға ҙур өлөш индергән Ғиззәт Ғәббәсов менән танышырға мөмкин. Луиза Ғиниәтуллинаның «Музыкаға оло һөйөү» тип аталған мәҡәләһе музыка белгесе Людмила Атанованың ғәжәйеп яҙмышы хаҡында.

Журнал биттәрендә Заһир Исмәғилев исемендәге Өфө дәүләт сәнғәт академияһы профессоры Фәрдүнә Ҡасимованың танылған уҡыусылары һәм коллегалары уның тураһында иҫтәлектәре менән уртаҡлаша.

Башҡорт милли кейемен барлыҡҡа килтереүҙә «3D» нисек ярҙам итә ала? Был һорауға Фатима Янбаеваның дизайнер һәм этнограф Илдар Ғатауллин менән әңгәмәһендә яуап табырға була.

Журналдың «Бейеү сәхнәһе» — Башҡортостандың атҡаҙанған артисы, хореограф Эльвира Дауытова ҡарамағында.

Вәкил Шөғәйеповты йыш ҡына «Башҡорт Страдивариһы» тип атайҙар. Илдар Шәрипов журнал биттәрендә башҡорт музыка ҡоралдарын эшләү оҫтаһы менән әңгәмә тәҡдим итә.

Шулай уҡ журналдың был һанында Мәжит Ғафури исемендәге Башҡорт дәүләт академия драма театры музейы экспонаттары хаҡында мәғлүмәт, өлкәндәр өсөн юмореска, балалар өсөн ҡыҙыҡлы ребус урын алған.

«Тамаша» журналына икенсе ярты йыллыҡҡа яҙылыу хаҡы — 248 һум 28 тин, индексы — 73874.

#киң мәғлүмәт саралары #подписка #тамаша

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.