Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
25 Март 2015, 18:00
Баш ҡалала «Илһам» әҙәби конкурсында еңеүселәр бүләкләнәсәк
ӨФӨ, 2015 йыл, 25 март. /«Башинформ» мәғлүмәт агентлығы, Арина Рәхимҡолова/. 26 мартта Өфөлә Әҙәбиәт йылына арналған «Илһам» әҙәби конкурсында еңеүселәр һәм призерҙар бүләкләнәсәк. Тантана Мәжит Ғафури исемендәге Башҡорт дәүләт академия драма театрының бәләкәй залында уҙа.
Өфө ҡала Советының матбуғат хеҙмәтенән хәбәр итеүҙәренсә, бәйге 5-8 һәм 9-11 класс уҡыусылары араһында ойошторолдо. Конкурсҡа башҡорт, рус һәм татар телдәрендә ижад ителгән шиғырҙар һәм проза әҫәрҙәре ҡабул ителде.
Ойоштороусылар — Башҡортостан Яҙыусылар союзы, Өфө хакимиәтенең мәғариф идаралығы, Башҡорт дәүләт драма театры, «Аманат» журналы, «Ҡыҙыл таң» һәм «Истоки» гәзиттәре, Өфө ҡалаһы Октябрь районының Балалар ижады үҙәге. Бағыусыһы — Рәсәй Машиналар эшләүселәр союзының Башҡортостан төбәк бүлексәһе. Өфө ҡала Советы рәйесе Евгений Семивеличенко махсус приз булдырған.
Теги:
әҙәби конкурс
балалар ижады
Читайте нас: