Пятница, 17 Апреля 2026

Уфа

0 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

05:49 (UTC+5), 24 Марта 2015

Рөстәм Хәмитов: «Зыя Нуриевтың исеме мәңгелеккә республика һәм ил тарихында ҡаласаҡ»

Олег Яровиков

IMPORT Сервисный

ӨФӨ, 2015 йыл, 24 март. /«Башинформ» мәғлүмәт агентлығы, Илья Спиридонов/. 23 мартта Өфөлә Башҡортостан Башлығы Рөстәм Хәмитов күренекле дәүләт эшмәкәре Зыя Нуриевтың тыуыуына 100 йыл тулыуға арналған тантаналы йыйылышта сығыш яһаны. Сара М.Ғафури исемендәге Башҡорт дәүләт академия драма театрында уҙҙы.

– Зыя Нуриев – күптәр өсөн совет заманының сағыу шәхестәренең береһе, ил кимәлендәге етәксе. Ул Башҡортостанда тыуған, эшләгән, бер ҡасан да үҙенең тамырҙарын онотмаған. Тыуған төйәгенең ысын патриоты һәм тоғро улы. Ул республиканың иҡтисади ҡеүәтен нығытыу, социаль өлкәне, мәҙәниәтте, фәнде һәм мәғарифты күтәреү өсөн күп көс һалған, – тине төбәк етәксеһе.

Уның һүҙҙәренсә, Зыя Нуриевтың бөтә тормошо һәм эшмәкәрлеге дәүерҙең мөһим ваҡиғаларын һәм ҡаҙаныштарын сағылдыра.

– Зыя Нурый улының уңыштары уның стратегик фекерләүенә, даими уҡырға, тәжрибәле етәкселәрҙең, ябай эшсәндәрҙең кәңәштәренә ҡолаҡ һалырға әҙер булыуына, алған белемен туплай һәм файҙалана белеүенә бәйле, – тип билдәләне Рөстәм Хәмитов.

Республика Башлығы дәүләт эшмәкәре биографияһындағы мөһим мәлдәрҙе, уның Башҡортостан иҡтисадына тос өлөш индереүен билдәләп үтте.

– Ил кимәлендәге юғары ҡаҙаныштарға өлгәшһә лә, Зыя Нурый улы баҫалҡы кеше булды. Ул кешеләргә ҡарата иғтибарлы ине. Ябайлығы менән күптәрҙе үҙенә йәлеп итә алды, – тине Рөстәм Хәмитов. – Беҙ Зыя Нурый улы билдәләгән эшләү, йәшәү рәүешен алып барырға тейешбеҙ.

Төбәк етәксеһе фекеренсә, тап Нуриев эшләгән йылдарҙа республиканың бөгөнгө ҡаҙаныштарына нигеҙ һалынған, әлегә тиклем эшләп килгән ҙур предприятиелар төҙөлгән.

– Эштәр 5,10, 15 йылға түгел, ә 50 йылға планлаштырылған. Был – иҡтисадты аңлау, илдең үҫеше хаҡында хәстәрлек күреү, – тип билдәләне республика Башлығы. – Беҙгә план-баҙар иҡтисадын индерергә кәрәк. Уҙған быуаттың 50-60-сы йылдар тәжрибәһенә таяныу зарур.

Рөстәм Хәмитов Башҡортостан иҡтисадындағы диверсификация ҡатмарлы иҡтисади осорҙо уңышлы үтергә мөмкинлек бирәсәк тигән ышаныс белдерҙе. Уның фекеренсә, бында төбәктең алдағы йылдарҙағы етәкселәренең, шул иҫәптән Зыя Нуриевтың хеҙмәте ҙур.

– Дәүләт эшмәкәре, һәләтле етәксе Зыя Нурый улы Нуриевтың исеме мәңгелеккә республика һәм ил тарихында ҡаласаҡ.

Иҫегеҙгә төшөрәбеҙ, ошо көндәрҙә Зыя Нуриев исеме бирелгән скверҙа уның хөрмәтенә иҫтәлекле таҡтаташ асылды.

1 из 8

#хәтер #бр башлығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.