Шаршамбы, 29 Апрель 2026

Өфө

+3 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Йәмғиәт

11:42 (UTC+5), 17 Март 2015

Башҡортостанда 50 ҡатын-ҡыҙға «Әсәлек даны» миҙалы тапшырылды

Олег Яровиков

IMPORT Сервисный

ӨФӨ, 2015 йыл, 17 март. /«Башинформ» мәғлүмәт агентлығы, Эльмира Сабирова/. Бөгөн, 17 мартта, Башҡортостан Хөкүмәте Премьер-министры урынбаҫары Салауат Сәғитов күп балалы әсәләргә «Әсәлек даны» миҙалын тапшырҙы.

Өфөгә республиканың төрлө мөйөштәренән 50 ҡатын-ҡыҙ килде. Улар араһында хужабикәләр, медицина хеҙмәткәрҙәре, уҡытыусылар, ауыл эшсәндәре, эшҡыуарҙар бар. Әммә һәммәһен дә балаларға һөйөү берләштерә.

— Һеҙ ысын мәғәнәһендә Герой-әсәләр, сөнки беҙҙең төп байлығыбыҙ — балалар, — тине Салауат Сәғитов. — 2014 йылда республикала 60 517 сабый донъяға килде. Был 1991 йылдан алып иң юғары күрһәткес. 2013 йылда 59 меңдән ашыу бала тыуған.

Республика властары ғаилә, әсәлек һәм балалыҡ ҙур иғтибар үҙәгендә булыуын эш менән иҫбатлай, тип билдәләне вице-премьер. Уларҙың льготалар, пособиелар, өҫтәмә түләүҙәр алыуға хоҡуҡтары республика закондары менән нығытылған. Башҡортостанда балалы ғаиләләргә социаль ярҙам сараларының 30-ға яҡын төрө күрһәтелә. Йыл һайын ошо маҡсаттарға федераль һәм республика бюджеттарынан 8 миллиард һумдан ашыу аҡса бүленә.

Торлаҡ шарттарын яҡшыртыуға мохтаж биш һәм унан күберәк балалары булған ғаиләләргә торлаҡ сертификаттары бирелә.

— 200-ҙән ашыу күп балалы ғаилә ошо хоҡуҡ менән файҙаланды, шул иҫәптән 2014 йылда 40 ғаилә 130 миллион һумлыҡ сертификаттар алды. Торлаҡ сертификаты буйынса социаль түләүҙәрҙең уртаса күләме бер ғаиләгә 3 миллион һумдан ашыу тәшкил итте, — тине Салауат Сәғитов. — Һеҙгә ғүмерегеҙ буйына әсәлек бәхете оҙата барыуын теләйем.

«Әсәлек даны» миҙалы 1998 йылда булдырылды, шул ваҡыттан алып ул 6704 ҡатын-ҡыҙға тапшырылды. Былтыр 447 әсә ошо наградаға лайыҡ булды.

1 из 20

#бүләкләү #күп балалы әсәләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.