Ҡырмыҫҡалы районында «Алтын Ҡурай» туристик-эш комплексы барлыҡҡа киләсәк

ӨФӨ, 2015 йыл, 3 март. /«Башинформ» мәғлүмәт агентлығы, Ләйлә Аралбаева/. Ҡырмыҫҡалы районында «Алтын Ҡурай» туристик-эш комплексын булдырыу буйынса проект ғәмәлгә ашырыла. Республика Мәҙәниәт министрлығы коллегияһында министрҙың беренсе урынбаҫары Валентина Латипова үҙенең докладында мәҙәни туризм базаһын формалаштырыу темаһын күтәрҙе.

Проектты Башҡортостандың Мәҙәниәт министрлығы һәм Ҡырмыҫҡалы районы хакимиәте булышлығында «Ҡурай» ябыҡ акционерҙар йәмғиәте ойоштора. Объект ҡунаҡхана-эш үҙәген һәм 40 милли ихатанан һәм муниципаль берәмек вәкиллектәренән торған «Берҙәмлек» этнографик комплексын үҙ эсенә ала. «Алтын Ҡурай» ҡунаҡхана-эш үҙәгендә конгресс-холл, 400 урынлыҡ ресторан, 160 урынға иҫәпләнгән номер фонды буласаҡ. Әүҙем ял итергә яратыусылар өсөн парк булдырыла, унда һырғалаҡ, спорт майҙансыҡтары, теннис корты, гольф өсөн майҙансыҡ төҙөлә, велосипедты, саңғыны прокатҡа алырға мөмкин. «Берҙәмлек» тип аталған этноауылда шәхси ярҙамсы хужалығы булған ихаталар, һөнәрселек оҫтаханалары һәм ҡунаҡ өйҙәре төҙөләсәк. Бынан тыш, комплекс составында «Айғыр» ат спорты комплексы, балалар һәм йәштәр өсөн «Республика» һауыҡтырыу үҙәге, фермер хужалыҡтары комплексы, 1500 коттеджға иҫәпләнгән ҡасаба ҡаралған.

Проектты тормошҡа ашырыу өсөн бүленгән майҙан 300 гектарҙан ашыу тәшкил итә. Объекттарҙа фестивалдәр, конкурстар, халыҡ байрамдары ойоштороласаҡ, туристик хеҙмәттәр күрһәтеләсәк.

Комплекс Өфөнән 30 километр алыҫлыҡтағы Тауһеңер күле эргәһендә урынлашасаҡ. Ул Башҡортостандың визит карточкаһы ролен үтәйәсәк, тип иҫәпләй ойоштороусылар.

«Берҙәмлек» этнографик комплексын төҙөүселәргә кадрҙар һайлап алыу һәм әҙерләүҙә, ихаталарҙы милли үҙенсәлектәргә ярашлы итеп биҙәүҙә ярҙам күрһәтеләсәк, тип хәбәр иттеләр Башҡортостандың Мәҙәниәт министрлығынан.

#этнотуризм

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.