Понедельник, 25 Мая 2026

Уфа

+19 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

07:52 (UTC+5), 25 Февраля 2015

Өфөнөң иң яҡшы уҡытыусыһы 58-се лицейҙа эшләй

IMPORT Сервисный

ӨФӨ, 2015 йыл, 25 февраль. /«Башинформ» мәғлүмәт агентлығы, Эльмира Сабирова/. Өфө Ҡала мәҙәниәт һарайында «Башҡортостандың баш ҡалаһының йыл уҡытыусыһы-2015», «Башҡортостан баш ҡалаһының башҡорт теле һәм әҙәбиәте йыл уҡытыусыһы» конкурстары еңеүселәрен бүләкләү тантанаһы үтте.

Өфө хакимиәте башлығы урынбаҫары Сынтимер Баязитов билдәләүенсә, педагогик оҫталыҡ конкурстары һәләтле уҡытыусыларҙы асыҡлауға, уларҙың һөнәри бәйләнештәрен киңәйтеүгә, мәғариф өлкәһендә өҫтөнлөклө йүнәлештәрҙе пропагандалауға булышлыҡ итә.

Быйыл иң яҡшылар исеме өсөн 55 педагог көс һынашты. Улар бәйгенең бөтә этаптарын да лайыҡлы үтте, оҫталыҡтарын, эшләү һәм шәхси сифаттарын күрһәтте.

Сынтимер Баязитов фекеренсә, конкурсанттар араһында еңеүселәр бар, әммә еңелеүселәр юҡ. Ул уҡытыусыларға һәм уларға конкурсҡа әҙерләнергә ярҙам иткән белем биреү учреждениелары етәкселәренә рәхмәт белдерҙе.

2015 йылда Өфөнөң иң яҡшы уҡытыусыһы исеменә 58-се лицейҙың математика уҡытыусыһы Рима Ронжина лайыҡ булды. 1993 йылда Башҡорт дәүләт университетының физика факультетын тамамлағандан һуң ул 21 йыл уҡытыусы булып эшләй.

— Һәр дәрестә бәләкәй генә еңеүгә өлгәшкән, ҡатмарлы материалды тиҙ генә аңлаған уҡыусыларым ғорурланам. Минең өсөн уҡытыусы булыу — бәхетле булыу, — тине баш ҡаланың иң яҡшы уҡытыусыһы.

«Иң яҡшы рус теле һәм әҙәбиәте уҡытыусыһы» номинацияһында 21-се лицейҙан Айҙар Әхмәтйәнов еңеү яуланы, иң яҡшы татар теле һәм әҙәбиәте уҡытыусыһы тип 24-се урта дөйөм белем биреү мәктәбенән Зәбирә Риянова танылды, иң яҡшы башҡорт теле һәм әҙәбиәте уҡытыусыһы исеменә 158-се башҡорт гимназияһынан Айгөл Иглекова лайыҡ булды.

Бынан тыш, «Педагог-тикшеренеүсе» һәм «Уҡытыусы оҫта» ҡала конкурстары еңеүселәре лә билдәләнде. Был исем 45 уҡытыусыға бирелде.

1 из 20

#мәғариф #йыл уҡытыусыһы #конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.