Һаулыҡ һаҡлау өлкәһендә проблемаларҙы һөҙөмтәле хәл итергә кәрәк — Дөйөм Рәсәй халыҡ фронтының Башҡортостан штабы

IMPORT Сервисный

ӨФӨ, 2015 йыл, 18 февраль. /«Башинформ» мәғлүмәт агентлығы, Екатерина Соколова/. Дөйөм Рәсәй халыҡ фронтының Башҡортостан төбәк штабы республиканың һаулыҡ һаҡлау системаһы эшен ентекле анализлай башланы.

Медицина өлкәһендәге төп мәсьәләләр Дөйөм Рәсәй халыҡ фронтының федераль форумы майҙансығына сығарыла, уны үткәреү йәй башына билдәләнгән. Форумда Рәсәй Президенты Владимир Путин ҡатнаша.

— Беҙҙе бурыс — ошо өлкәләге төп проблемаларҙы билдәләү, — тип һыҙыҡ өҫтөнә алды Дөйөм Рәсәй халыҡ фронты Үҙәк штабы ағзаһы, БР Дәүләт Йыйылышы — Ҡоролтай депутаты Эльвира Айытҡолова «Социаль ғәҙеллек» эшсе төркөмө ултырышында. — Иң мөһиме — тиҙ арала хәл итеүҙе талап иткән өс-дүрт темаға туҡталыу.

Ултырышта медикаменттарға хаҡтарҙы арттырыу, поликлиникаларҙа инвалидтарҙы хеҙмәтләндереү, ауыл дауаханаларын ябыу, шулай уҡ ҡиммәтле ҡорамалдарҙы медицина учреждениеларына оптималь бүлмәү мәсьәләләре күтәрелде.

«Социаль ғәҙеллек» эшсе төркөмөнөң эксперт берләшмәһе фекеренсә, республикала медицина ҡорамалдарын һатып алыуҙы дөрөҫ планлаштырмау осраҡтары йыш күҙәтелә. Шундай хәлдәр ҙә була: дауаханала профессиональ кадрҙар эшләй, яңы ҡорамалдар ҡуйылған, әммә пациенттар юҡ.

— «Социаль ғәҙеллек» программаһын бойомға ашырғанда ошоға оҡшаш хәл килеп тыуҙы, — тип билдәләне Эльвира Айытҡолова. — Уға ярашлы, мәктәптәргә мөмкинлектәре сикләнгән кешеләр өсөн шарттар тыуҙырыуға ике миллион һум бүленә. Бүленгән аҡса менән уҡыу йортоноң директоры эш итә, ул мәктәпкә пандустар ҡуйыу менән генә сикләнә. Ҡалған 1,8 миллион һум күп осраҡта бинаны ремонтлауға китә. Проблема аҡсаның юҡлығына түгел, ә уларҙы һөҙөмтәһеҙ файҙаланыуға ҡайтып ҡала. Был һаулыҡ һаҡлау өлкәһенә лә ҡағыла.

Һаулыҡ һаҡлау буйынса махсуслаштырылған форум уҙғарыу идеяһын Рәсәй Президенты Владимир Путин тәҡдим итте.

#дөйөм рәсәй халыҡ фронты #һаулыҡ һаҡлау

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.