Башҡортостан уҡыусыһы — «Артек»тың иң яҡшы логотибы Бөтә Рәсәй конкурсында еңеүселәр иҫәбендә

IMPORT Сервисный

ӨФӨ, 2015 йыл, 17 февраль. /«Башинформ» мәғлүмәт агентлығы, Эльмира Сабирова/. Дыуан районының Рухтин ауылынан Екатерина Манкевич «Артек»тың иң яҡшы логотибы Бөтә Рәсәй конкурсында өсөнсө урын яуланы.

Ижади бәйге халыҡ-ара балалар үҙәгенә 90 йыл тулыу алдынан ойошторолған. Сара 2015 йылдың июнендә уҙа. «Артек» етәкселеге логотипты билдәле дизайнер фирмаларына заказ биреп эшләтергә түгел, ә илдәге балалар араһында асыҡ конкурс уҙғарырға ҡарар итте. Беренсе канал менән берлектә үткәрелгән ярышта 9-16 йәшлек йәш рәссамдар ҡатнашты.

Лагерҙың рәсми сайтында хәбәр ителеүенсә, ойоштороу комитетына донъяның һигеҙ иленән 1700 эш килгән. Авторҙар күп ҡыҙыҡлы идеялар тәҡдим иткән, уларҙың һүрәттәрендә «Артек» менән бәйле төрлө ассоциациялар сағылыш тапҡан. Жюри эштәрҙә иң йыш ҡулланылған символдарҙы билдәләү бурысын ҡуйған, сөнки яңы логотип балаларҙың «Артек» менән бәйле ассоциацияларының дөйөмләштерелгән образы булырға тейеш. Ошо маҡсаттан сығып, баһалама ағзалары бер нисә ассоциатив төркөмдәрҙе билдәләне, эштәрҙе һайлап алыу һөҙөмтәһендә биш уҡыусы финалға сыҡты.

Улар араһында Дыуан районынан һигеҙенсе класс уҡыусыһы ла бар.

— Конкурс хаҡында Беренсе канал яңылыҡтарынан белеп ҡалдым. Мин диңгеҙҙе бик яратам, шуға ҡатнашырға булдым. Пионер усағы эргәһенә йыйылған 10 дружинаны төшөрҙөм. Эшемде баһалағандары өсөн бик шатмын, — тип һөйләне Екатерина Манкевич.

Яҡын көндәрҙә Мәскәүҙә еңеүселәрҙе бүләкләү тантанаһы үтә.

Иң яҡшы эш авторҙарына «Артек»ка путевка тапшырыласаҡ, ә еңеүсе лагерға юбилей ваҡытында бара аласаҡ.

Бынан тыш, «Бәйләнештә» социаль селтәрендәге «Артек» төркөмөндә лә тауыш биреү ойошторолдо. Уның йомғаҡтары буйынса иң күп тауыш йыйған 90 эш билдәләнде. Иң яҡшы һүрәттәр дипломдар менән бүләкләнәсәк, шулай уҡ «Артек» халыҡ-ара балалар үҙәге автобустары борттарына төшөрөләсәк.

#конкурс #«артек»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.