БДУ-ла Ляонин университеты менән берлектәге икеләтә диплом мәғариф программаһы ҡабул ителде

IMPORT Сервисный

ӨФӨ, 2015 йыл, 12 февраль. /«Башинформ» мәғлүмәт агентлығы, Эльмира Сабирова/. Башҡорт дәүләт университеты һәм Ляонин университеты (Ҡытай Халыҡ Республикаһы) араһында «Икеләтә диплом» программаһы буйынса хеҙмәттәшлек тураһында килешеү төҙөлдө. Программала Башҡорт дәүләт университетының Иҡтисад, финанс һәм бизнес институтында белем алыусы студенттар ҡатнашасаҡ.

Документҡа Башҡорт дәүләт университеты делегацияһының Ҡытайға эш сәфәре барышында ҡул ҡуйылған. Делегация составына ректор Николай Морозкин, Иҡтисад, финанс һәм бизнес институты директоры Рөстәм Ахунов һәм инновациялы иҡтисад кафедраһы мөдире Лилиә Вәлинурова ингән.

Уҡыу йортоноң матбуғат үҙәгенән хәбәр итеүҙәренсә, Башҡорт дәүләт университеты Ляонин университеты менән беренсе йыл ғына хеҙмәттәшлек итмәй. Быйылғы килешеү — үҙ-ара мөнәсәбәттәрҙе үҫтереүҙә тағы бер аҙым. БДУ-ның Иҡтисад, финанс һәм бизнес институты Ляонин университетының Халыҡ-ара белем биреү институты менән берлектә ярты йыл буйына иҡтисад өлкәһе белгестәре өсөн икеләтә диплом программаһы буйынса документтар һәм уртаҡ уҡыу планы әҙерләне. Ике университетта ла яҡшы уҡыған студент-бакалаврҙар икеләтә диплом алыу мөмкинлегенә эйә. Дәрестәр күберәк инглиз телендә алып барыласаҡ.

Ляонин университеты Ҡытайҙа ҙур университеттарҙан һанала һәм илдең иң яҡшы белем биреүсе йөҙ учреждениеһы исемлегенә инә, тип һыҙыҡ өҫтөнә алды Иҡтисад, финанс һәм бизнес институты директоры.

— Программаның мөһимлеге Рәсәй өсөн яңы геосәйәси шарттарға бәйле. Ҡытай сәйәси һәм иҡтисади планда ла илебеҙ өсөн алдынғы партнерҙарҙың береһе булып тора. Берлектәге килешеүгә ҡул ҡуйыу — Башҡорт дәүләт университеты өсөн мөһим аҙым тип һанарға кәрәк,— тип иҫәпләй Рөстәм Ахунов.

#мәғариф #вуздар #бду #икеләтә диплом

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.