Среда, 22 Апреля 2026

Уфа

+3 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:02 (UTC+5), 06 Февраля 2015

Рөстәм Хәмитов Өфөлә үтәсәк ШОС һәм БРИКС саммиттары айҡанлы төҙөлөүсе объекттарҙың әҙерлеген баһаланы

Башҡортостан Башлығының матбуғат хеҙмәте

IMPORT Сервисный

ӨФӨ, 2015 йыл, 6 февраль. /«Башинформ» мәғлүмәт агентлығы, Илья Спиридонов/. 5 февралдә Башҡортостан Башлығы Рөстәм Хәмитов Өфөлә үтәсәк ШОС һәм БРИКС саммиттарына әҙерлек сиктәрендә төҙөлөүсе ҡунаҡханаларҙы, реконструкцияланыусы Конгресс-холл бинаһын ҡараны.

Төбәк етәксеһе ете ҡунаҡханала булды, уларҙың икеһе лә юғары әҙерлек кимәлендә. Бары кухня ҡорамалдарын монтажлау, хеҙмәткәрҙәр алыу һәм номерҙарҙы әҙерләү кеүек эштәр генә ҡалған. Өс аҙнанан Гоголь урамындағы «Атола» ҡунаҡханаһын асыу планлаштырыла, ә Аксаков урамында урынлашҡан «Hilton Garden Inn Ufa» отеле 20 мартта тәүге ҡунаҡтарын ҡабул итә.

Рөстәм Хәмитов «Hilton Garden Inn Ufa» ҡунаҡханаһындағы конференция залдарын, ресторанды һәм номер фондын ҡараны, интернеттың тиҙлеген тикшерҙе.

Республика етәксеһенең һүҙҙәренсә, саммиттарҙы үткәреү ваҡытында көтөлмәгән хәлдәр килеп тыумаһын өсөн отелде асыу менән уны һынап ҡарарға кәрәк.

«Парк-Сити Урал», «Hampton by Hilton Ufa», «Holiday Inn Ufa», «Башкортостан», «Sheraton» ҡунаҡханаларында эштәр планға ярашлы бара. Мәҫәлән, «Hampton by Hilton Ufa» отелендә фасад эштәре, номер фондын биҙәкләү тамамлана, ә «Sheraton» отелендә мебель килтереү көтөлә.

– Саммиттарға тиклем күп ҡалманы. Эш күләме бик ҙур, бөтә объекттарҙың да ваҡытында асылыуын теләйбеҙ, – тине Рөстәм Хәмитов, был этапта ҡорамалдар һатып алыуға һәм персоналды әҙерләүгә айырыуса иғтибар бүлергә кәрәклеген билдәләп.

Республика Башлығы ШОС һәм БРИКС саммиттарының мөһим саралары уҙасаҡ Конгресс-холл бинаһын төҙөкләндереү барышы менән дә танышты. Башҡортостан Хөкүмәте министры Руслан Мирсаяпов төп төҙөлөш эштәренең ҙур кәңәшмәләр, шулай уҡ ике яҡлы осрашыуҙар өсөн тәғәйенләнгән биналарҙа башланыуы тураһында һөйләне. Уларҙың барыһы ла федераль ойоштороу комитеты талаптарына ярашлы әҙерләнгән.

Рөстәм Хәмитов бөтә дүрт кимәлде лә ҡарап сыҡты, төп залдарҙа һәм ярҙамсы биналарҙа булды, һәм эштәр байтаҡ тип билдәләне. Руслан Мирсаяпов реконструкция планға ярашлы башҡарыла һәм объект 1 июлгә тулыһынса әҙер буласаҡ тип белдерҙе.

1 из 16

#бр башлығы #шос һәм брикс саммиттары #ҡунаҡханалар #конгресс-холл

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.