Среда, 22 Апреля 2026

Уфа

+6 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:31 (UTC+5), 31 Декабря 2014

Рөстәм Хәмитов федераль һәм төбәк киң мәғлүмәт саралары вәкилдәре менән осрашты

IMPORT Сервисный

ӨФӨ, 2014 йыл, 31 декабрь. /«Башинформ» мәғлүмәт агентлығы, Илья Спиридонов/. 30 декабрҙә Республика йортонда Башҡортостан Президенты Рөстәм Хәмитов федераль һәм төбәк киң мәғлүмәт саралары вәкилдәре менән осрашыу үткәрҙе. Ике сәғәт дауамында журналистар республика башлығы менән аралашты. Осрашыу барышында профессиональ белем биреү мәсьәләләре, иҡтисади хәл, халыҡ-ара ШОС һәм БРИКС саммиттарына әҙерлек барышы, спортҡа ярҙам итеү, Мәҙәниәт йылы йомғаҡтары тикшерелде.

– Йылды яҡшы һөҙөмтәләр менән тамамлайбыҙ. Иҡтисадтың тотороҡлоғон билдәләгән макроиҡтисад күрһәткестәре бар. Был тәү сиратта тулайым төбәк продукты. Ул уҙған йылға ҡарата 102,5-103 процент тирәһе буласаҡ. Сәнәғәт производствоһы индексы үткән йылға ҡарата 3-3,5 процентҡа күберәк. Килемдәр былтырғы күрһәткестәрҙән 6-7 процентҡа юғарыраҡ. Әле генә һалым инеү буйынса справканы ҡараным – аҡса килә. Декабргә һалым 8-8,5 миллиард тирәһе, ә йыллыҡ – яҡынса 100 миллиард һум буласаҡ. Был беҙҙең план. Беҙ уны хатта арттырып үтәнек, – тине төбәк етәксеһе, осрашыуҙы асып.

Рөстәм Хәмитов республикала Рәсәй Президенты Владимир Путиндың май указдарын тормошҡа ашырыу сиктәрендә бөтә бурыстар ҙа үтәлә тип билдәләне. Эш хаҡы тотороҡло, яңы балалар баҡсалары төҙөлә, граждандарҙы иҫке һәм авария хәлендәге торлаҡтан күсереү программаһы ғәмәлгә ашырыла. Төбәк етәксеһе быйыл 5 мең урынлыҡ 27 яңы балалар баҡсаһы асылды тип хәбәр итте.

Граждандарҙы иҫке һәм авария хәлендәге торлаҡтан күсереү программаһы тураһында һөйләгәндә, Башҡортостан Президенты 2012 йылдың 1 ғинуарына тиклем исемлеккә индерелгән 30 меңдән ашыу кеше 2017 йылға ҡәҙәр яңы фатирҙарға күсергә тейеш тип билдәләне.

Осрашыу һуңында киң мәғлүмәт саралары вәкилдәре Башҡортостан Президентынан киләһе йылда төбәктәге иҡтисади хәл хаҡында һораны.

– Киләһе йылда барыһы ла яҡшы буласаҡ тип әйтә алам. Әммә ҡайһы мәлдә түҙергә лә тура киләсәк, – тип яуап бирҙе Рөстәм Хәмитов. – Тормошобоҙ лайыҡлы буласаҡ. Беҙ яҡшыға өмөт итәбеҙ. Ә ҡаҙаныштарыбыҙ берҙәм эшебеҙгә бәйле.

1 из 12

#киң мәғлүмәт саралары #бр президенты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.