Дүшәмбе, 25 Май 2026

Өфө

+29 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Йәмғиәт

12:15 (UTC+5), 22 Декабрь 2014

Президент шыршыһына бөтә республиканан 800-гә яҡын уҡыу алдынғыһы йыйылды

IMPORT Сервисный

ӨФӨ, 2014 йыл, 22 декабрь. /«Башинформ» мәғлүмәт агентлығы, Гөлфиә Акулова/. 22 декабрҙә Өфөлә «Башҡортостан» дәүләт концерт залында Президент шыршыһы үтте. Байрамға бөтә республиканан уҡыу алдынғылары һәм мәктәп тормошонда әүҙем ҡатнашыусылар саҡырылды.

Баш ҡалалағы Яңы йыл иртәлегендә район һәм ҡалаларҙан 800-гә яҡын бала ҡатнашты. Уларҙың барыһы ла уҡыуҙа, спорт ярыштарында, бейеү һәм йыр конкурстарында, олимпиада һәм фестивалдәрҙә уңыштарға өлгәшкән уҡыусылар. Байрамда шулай уҡ «Мәрхәмәт» хәйриә ойошмаһы аша килеүселәр, хәрби бурысын үтәгәндә һәләк булған хәрбиҙәрҙең балалары, күп балалы, аҙ тәьмин ителгән ғаиләләрҙә тәрбиәләнгән балалар ҙа бар ине.

Башҡортостан Мәғариф министрлығының баш белгесе Рәмзиә Биҡҡужина әйтеүенсә, байрам сараһында әүәлгесә 780 бала ҡатнаша.

Тантанала ҡунаҡтарҙы Ҡыш бабай менән Ҡарһылыу ҡаршы алды. Дәүләт концерт залы фойеһында улар әкиәт персонаждары менән күңел асты. Байрамса кейенгән балалар шыршы тирәләй әйләнде, шиғыр һөйләне, йырланы, бейене.

Башҡортостан Президенты исеменән республика Хөкүмәтенең Премьер-министры урынбаҫары Салауат Сәғитов уҡыусыларҙы етеп килгән Яңы йыл менән ҡотланы.

Артабан балаларға музыкаль әкиәт күрһәтелде. Президент шыршыһы иҫтәлеге итеп уҡыусыларға йомшаҡ уйынсыҡтар, Мостай Кәримдең «Беҙҙең өйҙөң йәме» китабы һәм татлы бүләктәр тапшырылды.

23 декабрҙә «Башҡортостан» концерт залында Баш ҡала шыршыһы үтә. Иртәнге сәғәт 11-ҙә – һәләтле, сәғәт 3-тә етем һәм ата-әсә ҡарауынан мәхрүм ҡалған балалар өсөн тамаша буласаҡ.

1 из 18

#яңы йыл #президент шыршыһы #социаль яҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.