Понедельник, 4 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

06:19 (UTC+5), 08 Декабря 2014

Башҡортостанда дауылдан зыян күргән райондар халҡы республика Президентына тиҙ һәм сифатлы төҙөкләндереү эштәре өсөн рәхмәт белдерҙе

IMPORT Сервисный

ӨФӨ, 2014 йыл, 8 декабрь. /«Башинформ» мәғлүмәт агентлығы/. 6 декабрҙә Рөстәм Хәмитов эш сәфәре менән Яңауыл ҡалаһына, Яңауыл һәм Краснокама райондарына барҙы. Республика башлығы быйыл август айында дауыл һөҙөмтәһендә емерелгән йорттарҙы төҙөкләндереү эштәрен баһаланы, производство һәм ауыл хужалығы предприятиеларында, социаль объекттарҙа булды, тип хәбәр иттеләр төбәк етәксеһенең матбуғат хеҙмәтенән.

Яңауыл һәм Краснокама райондарындағы йорттарҙы төҙөкләндереү буйынса эш барышын Башҡортостан Президенты үҙ контроленә алған. Хәтерегеҙгә төшөрәбеҙ, ғәҙәттән тыш хәл һөҙөмтәһендә 46 өй тулыһынса емерелгәйне, 419-ы төҙөкләндереүҙе талап итте.

Эш сәфәре барышында Рөстәм Хәмитов Яңауыл ҡалаһының «Көньяҡ» биҫтәһендә һәм Яңауыл районының Кониг ауылында булды. Район хакимиәте башлығы Илшат Вәзиғәтов 12 яңы төҙөлгән йорттоң 11-е хужаларына тапшырылды тип еткерҙе. Яңауылдағы тағы бер йортта биҙәү эштәре тамамланып килә.

Башҡортостан Президенты тәбиғәт ғәрәсәтенән һуң төҙөкләндерелгән йорттарҙың береһендә булды, урындағы халыҡ менән аралашты. Рөстәм Хәмитов хәл ителмәгән мәсьәләләр менән ҡыҙыҡһынды, йыл аҙағына тиклем етешһеҙлектәрҙе бөтөрөргә ҡушты.

- Дүрт ай эсендә бөтә эштәрҙе башҡарып сыҡтыҡ. Был яҡшы һөҙөмтә. Бөтә кешеләр ҙә торлаҡ менән тәьмин ителгән, шарттар һәйбәт. Халыҡ ҡыш көнө урамда тороп ҡалмаһын өсөн йорттарҙы тиҙерәк төҙөргә, ошо хәлде ике-өс йылға һуҙмаҫҡа кәрәк ине, - тине Рөстәм Хәмитов.

Краснокама районының Ҡарый ауылында тағы ла 34 йорт төҙөлөп, хужаларына тапшырылған. Муниципалитет башлығы Рәзиф Ғилмуллин ремонт эштәре талап иткән 136 йорт төҙөкләндерелгән тип хәбәр итте. Рөстәм Хәмитов дауылдан зыян күргән ауыл халҡы менән осрашты, улар уға сифатлы төҙөкләндереү эштәре, ауылдарҙы тиҙ арала ғәҙәти тормошҡа ҡайтарыуы һәм күрһәткән матди ярҙамы өсөн рәхмәт белдерҙе.

Шулай уҡ Рөстәм Хәмитов 2014 йылдың сентябрендә сафҡа индерелгән 10-сы «Чебурашка» балалар баҡсаһының өҫтәмә корпусын ҡараны. Уның майҙаны – 4,3 квадрат метр. Бина 160 урынға иҫәпләнгән. Объекттың хаҡы 107, 6 миллион һум тәшкил итте.

Шул уҡ көндө республика етәксеһе яғыулыҡ-энергетика комплексы өсөн модулле ҡорамалдар етештергән «Нефтемаш-Өфө» яуаплылығы сикләнгән йәмғиәте предприятиеһының эшмәкәрлеге менән танышты. Проект инвестициялары – 50 миллион тирәһе.

Рөстәм Хәмитов 2006 йылда ойошторолған «Йәйғор» фәнни-производство фирмаһында булды. Компания нефть һәм газды быраулау һәм табыу өсөн заманса технологик ҡорамалдар әҙерләй һәм етештерә.

Тағы ла Башҡортостан Президенты Яңауыл районының Шүдек ауылында 2013 йылда «500 ферма» республика программаһы сиктәрендә файҙаланыуға тапшырылған һөтсөлөк-тауар фермаһында булды.

1 из 10

#бр президентының эш сәфәрҙәре #көслө дауыл эҙемтәләрен бөтөрөү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.