«Башҡортостан» телерадиокомпанияһы проекттары «ТЭФИ-Төбәк 2014» наградалары менән бүләкләнде

IMPORT Сервисный

ӨФӨ, 2014 йыл, 28 ноябрь. /«Башинформ» мәғлүмәт агентлығы, Ләйлә Аралбаева/. Сочи ҡалаһында «ТЭФИ-Төбәк 2014» бөтә Рәсәй телевизион конкурсына йомғаҡ яһалды. Быйыл Башҡортостан юлдаш телевидениеһының биш проекты финалға сыҡты.

Конкурс һайлап алыуы һөҙөмтәһендә «Башҡортостан» телерадиокомпанияһы дәүләт унитар предприятиеһы телеоператоры Урал Ғатауллин «Шүлгәнташ» фильмын төшөргәне өсөн «Иң яҡшы оператор эше» номинацияһында ТЭФИ яуланы. Был фильм Башҡортостан Президентының мәҙәниәт һәм сәнғәт өлкәһендәге ике миллионлыҡ гранты сараларына Бөрйән районы биләмәһендәге, тәүтормош кешеләренең ҡаялағы һүрәттәренә күрә күренекле, Шүлгәнташ мәмерйәһендә, шулай уҡ ерҙә, һауала, һыуҙа һәм бассейнда һыу аҫтында, ямғырҙа һәм махсус йыһазландырылған студияла төшөрөлә.

Финалда Башҡортостан юлдаш телевидениеһының төп операторы Грозныйҙан һәм Сургуттан хеҙмәттәштәре менән көс һынашты. Башҡорт әкиәтенең ҡатмарлы сәхнәләрен шул ҡәҙәр оҫта итеп төшөргәне өсөн ТЭФИ жюриһы уны юғары награда менән баһалай.

2012 йылда ул эш өсөн «Планеталар парады. Икенсе миҙгел» проектында номинацияланды. 2005 йылда «Ҡоралай» фильм-әкиәтен төшөргәне өсөн бронза Орфейына лайыҡ була.

Быйыл Спорт министрлығы менән берлектә «Рәсәй телевидениеһы академияһы» фонды тарафынан спорт йүнәлешендә өс махсус номинация ойошторола. Телеканал программалары уларҙың икәүһе буйынса еңеү яуланы: «Преодоление» номинацияһында – «Герой балалар» һәм «От массовости к мастерству» номинацияһында «Физкультура уҡытыусыһы көнө».

«Тамыр» телеканалы — «ТЭФИ-төбәк» бөтә Рәсәй фестиваленең һәр йылғы ҡатнашыусыһы.

#тэфи-төбәк #телевидение

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.