Ҡурған өлкәһе башҡорттары милли йолаларҙы һаҡлай

IMPORT Сервисный

ӨФӨ, 2014 йыл, 21 ноябрь. /«Башинформ» мәғлүмәт агентлығы, Арина Рәхимҡолова/. Өфөлә Ҡурған башҡорттары мәҙәниәте көндәре сиктәрендә «Ҡурған башҡорттары: тарих, хәҙерге заман һәм үҫеш перспективалары» тигән түңәрәк өҫтәл үтте. Форум эшендә Бөтә донъя башҡорттары ҡоролтайы башҡарма комитеты ағзалары, республиканың йәмәғәтселек һәм дәүләт органдары вәкилдәре ҡатнашты.

«Бөтә донъя башҡорттары ҡоролтайы (конгресы)» башҡарма комитеты рәйесе Румил Аҙнабаев үҙ сығышында билдәләүенсә, милли йолаларҙы һәм мәҙәниәтте һаҡлап ҡалыу беҙҙең республика өсөн бик мөһим. Уның әйтеүенсә, уҙғарылған Мәҙәниәт көндәренә юғары ҡыҙыҡһыныу бындай осрашыуҙарҙың кимәлен күрһәтә. Бөгөн Ҡурған өлкәһе һәм Башҡортостан дәүләт һәм муниципаль органдары тарафынан мәҙәниәтте, телде, башҡорт халҡының йолаларын һаҡлап ҡалыу һәм үҫтереү буйынса байтаҡ эштәр башҡарыла.

Төбәктәр араһында сауҙа-иҡтисади өлкәлә, мәҙәниәт, мәғариф һәм фән тармаҡтарында тығыҙ эшмәкәрлек алып барыла. Башҡортостан һәм Ҡурған өлкәһе араһында ғәмәлдәге булған Килешеүҙе тормошҡа ашырыу сиктәрендә республиканың художество үҙешмәкәрлек коллективтары дуҫ булған төбәккә гастролдәр менән сыға, фестивалдәрҙә, конкурстарҙа һәм башҡа сараларҙа ҡатнаша. Йыл һайын һабантуйҙар, Башҡорт мәҙәниәте көндәре, конференциялар уҙғарыла.

Ҡурған өлкәһенең Сафакүл районы башлығы Рәшит Хайрнасов, ҡабул ителгән бөтә сараларға ҡарамаҫтан, өлкәлә башҡорттарҙың һаны кәмей – йәшәүселәр илдең төньяҡ төбәктәренә күсеп китә, тип өҫтәне. Түңәрәк өҫтәлдә ҡатнашыусылар шулай уҡ Ҡурған өлкәһе ҡалаларында һәм райондарында туған башҡорт телен, милли йолаларҙы һаҡлап ҡалыу һәм үҫтереү буйынса эштәрҙең етерлек кимәлдә алып барылмауын билдәләне.

Килеп тыуған хәлгә фекер алышып, йыйылғандар туғандаш өлкә райондары өҫтөндә республика райондары һәм ҡалаларының шефлыҡ итеүен яңынан тергеҙергә тәҡдим индерҙе. БР Мәғарифты үҫтереү институтына Ҡурған өлкәһе мәктәптәрендә башҡорт теле һәм әҙәбиәте уҡытыусыларының оҫталыҡ кластарын ойошторорға кәңәш ителде. Шулай уҡ өлкәләге туған тел уҡытыусыларына әҙерлек һәм ҡайтанан әҙерлек уҙғарырға тәҡдим иттеләр.

#төбәктәрҙә башҡорттар #ҡурған башҡорттары #милли мәҙәниәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.