«Башҡорт Википедияһына — 10 йыл!» конкурсы башланды

IMPORT Сервисный

ӨФӨ, 2014 йыл, 6 ноябрь. /«Башинформ» мәғлүмәт агентлығы, Алик Шакиров/. «Башҡорт Википедияһына — 10 йыл!» Википедияның башҡорт телендәге бүлегенә мәҡәләләр яҙыу буйынса конкурс старт алды.

Башҡорт Википедияһында вики-марафон «Вики-Һабантуй 2015» тигән – Башҡорт Википедияһының ун йыллығына арналған, Рәсәй һәм элекке СССР халыҡтарының тел бүлектәрен үҫтереүгә, Википедияны һәм башҡа Викимедия проекттарын популярлаштырыуға йүнәлтелгән – саралар комплексының тәүге ҙур сараһы булды.

Башҡорт Википедияһы администраторы Рөстәм Нурыев хәбәр итеүенсә, конкурстың маҡсаты – Википедияның статусын күтәреү һәм уның иң яҡшы традицияларын дауам итеү, яңы ҡатнашыусыларҙы йәлеп итеү, иң яҡшы мәҡәләләр авторҙарын асыҡлау, Башҡорт Википедияһында мәҡәләләрҙең иҫәбен һәм сифатын арттырыу.

Конкурс 2014 йылдың 1 ноябренән алып 2015 йылдың 1 апреленә тиклем ике номинацияла: тәжрибәле ҡатнашыусылар һәм яңы башлап тороусылар араһында уҙғарыла. Мәҡәләләр марафонында башҡорт телен белгән һәр кем ҡатнаша ала.

Конкурсты ойоштороусылар яңы ҡатнашыусыларға ярҙам итергә вәғәҙәләй.

Ике номинацияла ла Башҡорт Википедияһының йәшенә ҡарап унышар бүләк отола.

Конкурстың шарттары менән ентекләберәк «Викимедиа РУ» сайтының махсус бүлегендә танышырға мөмкин.

2015 йылдың апрелендә Википедияның башҡорт телендәге бүлегенә 10 йыл тула. «Башҡортостан» тигән тәүге мәҡәлә 2005 йылдың 16 апрелендә яҙылған. Шул ваҡыттан алып 10 меңдән ашыу ирекмән 33 меңдән ашыу мәҡәлә яҙған, Башҡорт Википедияһына ярты миллион самаһы төҙәтмә индергән. Һуңғы айҙа баҫылған статистик мәғлүмәттәр буйынса, Википедияның башҡорт телендәге бүлеге мәҡәләләр һаны буйынса 287 тел бүлеге араһында 80-се урында, инеү буйынса 115-селә тора. Ағымдағы йылда Башҡорт Википедияһына көнөнә 25 мең самаһы уҡыусы инә.

#башҡорт википедияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.