Башҡортостанда 225 меңдән ашыу кешегә грипҡа ҡаршы прививка яһалған

ӨФӨ, 2014 йыл, 16 октябрь. /«Башинформ» мәғлүмәт агентлығы, Эльмира Сабирова/. Башҡортостан Һаулыҡ һаҡлау министрлығы матбуғат хеҙмәтенең мәғлүмәттәре буйынса, бөгөнгө көнгә республикала 225 меңдән ашыу кешегә грипҡа ҡаршы прививка яһалған, шул иҫәптән 220 мең федераль бюджет саралары иҫәбенә һәм башҡа сығанаҡтарға – биш меңдән ашыу.

Прививка яһау кампанияһы төбәктә сентябрҙә башланды, ноябрҙә тамамланырға тейеш.

Миҙгелле грипҡа ҡаршы ололарҙы иммунизациялау өсөн быйыл Башҡортостанда федераль бюджет саралары иҫәбенә 500 мең, балалар өсөн 300 мең доза вакцина алынған. РФ Һаулыҡ һаҡлау министрлығына йүнәлтелгән өҫтәмә заявка буйынса ололар өсөн тағы ла 200 мең доза вакцина поставкалау күҙаллана.

Бынан тыш, «БР социаль әһәмиәтле ауырыуҙарҙы иҫкәртеү һәм улар менән көрәшеү (2012-2015 йылдарға)» республика маҡсатлы программаһының «Вакцинопрофилактика» өҫтәмә программаһы сиктәрендә 14,5 меңләп вакцина поставкалау планлаштырыла. Ул дауамлы ауырыуҙар менән сирләүсе кешеләрҙе вакцинациялау өсөн республиканың медицина ойошмаларына бүленәсәк.

Иҫегеҙгә төшөрәбеҙ, федераль бюджет саралары иҫәбенә медицина хеҙмәткәрҙәре тәү сиратта мәктәп уҡыусыларына, мәктәпкәсә учреждениеға йөрөүсе балаларға, медицина хеҙмәткәрҙәренә, өлкән кешеләргә прививка яһай. Вакцинациялауҙа илебеҙҙә етештерелгән балалар өсөн «Гриппол плюс» һәм өлкәндәр өсөн «Гриппол» тигән препараттар ҡулланыла.

Милли прививкалар календары сиктәрендә 2014 йылда Башҡортостанда миҙгелле грипҡа ҡаршы йәмғеһе 800 мең кешегә, шул иҫәптән 300 мең балаға прививка яһау күҙаллана.

#һаулыҡ һаҡлау #вакцинациялау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.